Shillong, Feb 18: National People’s Party(NPP)-ni State President aro Deputy Chief Minister, Prestone Tynsong, Sohra constituency-ni ning•o ga•akgipa songrang jeonan rama sorokrangko man•kujachim, ua biaprangona tourism-ko tang•doatna gita rama sorokrangko tarie on•gen ine MDC Donevan Wanlang-na Khrang-o campaign ka•ani somoio ku•rachakataha.
Kongthong songoni Khadarshnong aro Wahkhen-ona dolongko ru•utgijan sorkari rike on•gnok ine janapatengon, ia dolongko rikna tangka paisarangkode chamatman•aha aro ru•utgijan kamrangkoba a•bachengatgnok aro matchotman•ahaon, Wahkhen-ona tourist-rangba re•angna man•gnok aro uasan ong•aija, Swer aro Wahkhen-oni Pomlum aro Khadarshnong-ona gari gorarang re•rurana man•a gita, a•a sandichina sordar shnong-o janapataha, uni gimin namroro silroroaniko ra•bana gita apsan party-nikon MDC aro MLA-koba seokna nangchongmota ine aganaha.
Unbaksana, ua saksa a•dokni president ong•enga aro Conrad Sangma-ara Skotong Minister baksana a•songni president-sa ong•engani gimin NPP dolko Garo party ine matnanganiko bebe ra•jachina ineba ua janapataha.
Gitcham MDC Wanlang-ba re•baenggipa KHADC election-o an•tangna chakpaaniko on•china mol•molan baksa Sixth Schedule-ni Article 371-na bate bil gnangbatani aro gamchatani gimin janapengon, Meghalaya a•doko dam 3 ADC-rang gnang aro Indian Constitution-ni Sixth Schedule ning•o pangchake, jatni apalgipa dakbewal rikbewalrang ripingna man•gipa ong•achim, indake ong•genchimoba badiaba party-rang Article 371-kosa ra•gatna dabiskaenga jean, Sixth Schedule-o ra•gatgipa niamrangko niatgenchimode ia Article 371-de bilgribata ine u•ina man•a ine aganan baksa, salgro salaram jolrangoni Nagaland a•doko Article 371-ko ra•gatgipa ong•a aro da•alo ong•atenggipa MP election-o ua a•dokni manderang Sixth Schedule-ni bil gnanganiko nike Article 371-ko ra•gale Sixth Schedule-ko ra•gatskachina dabiengaha ine janapataha.
Na·simang ia video-koba nina man·gen:
Na·simang iakoba poraina man·gen: Jat basegipa party-rangko jegalchina Conrad didia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
