Guwahati, Mar 27: Ladakh-na dingtang a·dokko on·china aro ia biaprangko Indian Constitution-ni Sixth Schedule ning·o napatchina dabie Sonam Wanchuk-ni sal 21-na okumu chake jingjengataniko Mongolbar salo dontongataha.
Ua an·tangni okumu chakaniko dontongatahaoba ian jingjengataniko dontongengaha ong·ja aro ua Ladakh-ni namgnina dakgrikangkugen ineba Wanchuk parakataha.
Uni dabianirangna sorkari maming aganchakanirangko on·jaengani gimin Ladakh-o songdongenggipa lak 3 manderangoni sak 60,000-mangni gita uni okumu chake jingjengatanio bak ra·angpagen ineba ua aganaha.
2019 bilsini August jao, Article 370-ko ra·galpilani ja·man Ladakh, Jammu & Kashmir-oni ma·ekatako man·ahachim aro uandaken 2019 bilsini August 9 tariko Jammu & Kashmir Reorganisation Act 2019-ko pass ka·enba, ia a·dokko Union Territory of Jammu & Kashmir aro Union Territory of Ladakh-ona bakgni dakahachim.
Untalan Sonam Wanchuk, Ladakh-na a·dokko on·china aro ia biaprangko Sixth Schedule-o napatchina dabiengahachim.
Uamangni dabianirangko ma·mong aro a·dok sorkarirang knachakjaengani gimin ia Lok Sabha election-o name chanchichengesa dilgipako seokchina gita Ladakh-ni manderangkoba mol·molataha.
Na·simang ia video-koba nina man·gen:
Na·simang iakoba poraina man·gen: Developing Teaching and Learning Materials-ni bidingo workshop-ko Martin Luther Christian University-o ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
