Guwahati, Jun 10: Assam a·dokni Sonapur songo cement karkanako kulianiara samtangtango ong·telagiparangna aro manderangnaba nangchakeaniko ra·bagen ine ia songo cement karkana rikaniko songni manderang jegalgrimaha.
Iani bidingo, manderangni agananirangko knatime ra·na gita Sombar salo, dingtangmancha public hearing program-ko ong·atangahachim aro ia tom·anio, district development commissioner Parijat Bhuyan aro ia cement karkanako rikenggipa Taj Cement-ni official-rangba dongpae bak ra·angahachim.
Indake ong·genchimoba, Taj Cement company-ni official-rang, songni manderangna ma·siatgija ia cement karkanako rikdrana jotton ka·enga ine songni manderang matnangenba, ia tom·anion chokkirangchi aro gipin matsramgipa bosturangchi chadrapna jotton ka·skaaha.
Iandake so·sojengjeng ong·anganichi manderang bang·en saknaanirangko man·na nangaha indiba ja·man police-rangni rakbee kamrangko ka·anichi manderangni so·sojengjeng ong·aniko namatpilna man·aha.
Na·simang ia video-koba nina man·gen:
Na·simang iakoba poraina man·gen: Manipur-o so·sojengjeng ong·engani gimin Assam-ni Lakhipur jolo chel·chakaniko bariata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
