Guwahati, Mar 16: Assamni Songdu chibimao choruraani aro chijolko dingtang dingtang dake jakkalani ming 10 gitalgipa cholrangko bikotna Rs 645 kror bate jakkalgen ine Ma·mong Sorkarini Ports, Shipping & Waterways aro Ayush Minister, Sarbananda Sonowal parakataha. Ia kamrangko jako ra·e ka·aniko Sagarmala ine biming donaha.
Gitalgipa cholrangko bikotania songre-songgabatani aro bading-chiwalaniko nambata gadangona ra·dona miksonganio ong·enga. Ua kamrangna chu·gimikan Ma·mong Sorkari tangka-paisa on·e dakchakgen.
Kam ka·na miksongani mitamko niksoani gitade, Dhubrini Maya Ghat aro Majuli districto slipway ba ring kapram aro tariramrangko tariani, aro North Lakhimpur, Barpeta district aro gipin biaprango songregiparangna nambata gadoramrangko tariani, aro uandakgiparangan ong·gen. Uarangko che·em che·em niroken tarina a·bakuko donsoaha.
Salgro-salaram a·dokrangko tarina miksongen Sagarmala programni ning·o ₹1,000 kror baten tangka-paisako Ma·mong Sorkari chamsoaha. Uoniko Assam a·dok mangmangon ₹760 tangka-paisa jakkale kamrangko a·bachengatengaha. Songre songgabatanisan ong·ja, Songdu chisam joljol roram an·sengram biaprangkoba Oriumghat, Bhupen Hazarika Setu, Koliabhom ora Bridge (Tezpur), Bogibeel Bridge, Dikhow Mukh, Kalongmukh aro Guwahatini Uzanbazar baprango tarigen.
Chi gita songre-songgabatani cholrangna Maritime India Vision-ni ning·o a·song gimikon kam ka·engon, chibimarangko chonchongipa jahas aro ringrangko kapram biaprangko nambate tarianiba mongsonggipa mingsa ong·enga.
Chibimarang gita songreani bidingo Songdu aro Barak unia Ganga aro Sundarban jolrangko Eastern Grid ine done nambata gadangona ra·doenga. Uarangko tarianichi South Asia aro Eastern South Asia baksa bading chiwalgrikanio namen tang·dona ka·dongsoenga, aro jean$49 billion dollar economyko ong·atgen.
Chi gita songre-songgabatna Indo Bangladesh Protocol (IBP) cholramako ₹305.84 kror koros ka·e, India aro Bangladesh a·song damgni nangrime tariaha. Uan Guwahati aro Jogighopa joloni Kolkata aro Haldia kapramrangona songrena gita Salgro-salaram a·dokni manderangna minggipin cholko oe on·aha. Jamuna chibimani Sirajganj-Diakhowa (175 km) aro Kushiyara chibimani Ashuganj-Zakiganj cholramako (295km) Songdu aro Barak chibimarangona sokatna da·o kamrangko ka·enga.
Na·simang iakoba poraina man·gen: Guwahati-ni Krishanu Sharma, a•dokna mikkim rasongko ra•baa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
