Tura, May 5: Songsarekrangni dakrongbewal gita mikkarang wajani gimin Sonibar salo ‘Wachi Tata’ ba ‘Salgrua’-ko Gondenggre-ni A•silo dakangani ja•man, mikkarang wana a•bachengbebeaha aro ian manderangna dongtoaniko ra•baani gita ong•skaaha. Ia indake wachi tatani ja·man mikka waaniko nikna man•aniara aiao inmanpilani ong•aha. Iara wachi tatani a•sel ong•ahama, ma mikkarang waani somoi ong·ani giminsa wajokma? Indiba jeni a•selo wagenchimoba ian manderangna dongtoataniko on•angaha.
Ia ‘Wachi Tata’ ba ‘Salgrua’-ko Songsarekrang maini gimin daka, iako salrakchango, mikkarang wajaengmiting somoio mikkarangko waatchina Mikka Wachini Ama ‘Ai Rokrak Wachi Toktak’-na dingtangmancha mande ra•e krite, uko okame mikka wachiko rodilchina, dongdilchina, gama-ge•anina, sam bolrangna, nuruna-mandena, pilak nanganirangna, chiring chibisikrang tangpilchina ine tatakon ‘Wachi Tata’ ine minga. Iako dakanichi mikkarang waa ine Songsarekrang bebera•a.
Ia manianikon “Salpang Sim·a” ineba aganna. Wachitaton chiringni chi jeon ro•ong donga, wari aro chiakong donga uandakgipa biapko baseenba daka. Wachi tataniko bilsianti dakja indiba je somoion salrang rakchanga mikkarang waja unosa dakronga.
Ia bilsio Gondenggre songsakrek song wachi tataniko Chidekgre-ni a•jao Rejatgre wario bilsi 45-ni ja·monosa dakaha una skangde 1979 bilsiosa salrakchangani gimin Gondenggre songo wachi tatachim ine agana.
Wachi tatna chengode matchukosa jakkalachim indiba ia changde wakko jakkalenba uni an·chiko kimindamo ripakenba kritaniko dakangaha.
Wachi tatanio do·chikoba chi wariona goa aro do·chiko goani miksonganiara ua do·chi bretani ja·mano baditana sa•ala uni kri mikkachiko man•na ine aganani ba bebera·ani donga. Indiba do·chi sa•aljagenchimode mikka waani ba wachi komia ine bebera·skaa.
Wachi tatanio chuko jakkalja indiba chi gittangkosa jakkala. Wachi tataniko dakna skang wachi tatna miksonggipa biapona sokangchengarian uano rang, kram damarangko chi simchenganiko dakenba kimindamko songe, skanggipa kamalko chi rudapa aro uni ja·manode re·anggipa sakantikon chirangchi satkikidapa aro sin·a dekdekona kingkingba watpilgija chirangko satdap-rudapaniko daka.
Ia wachi tatanio kamalko mongsongbate kamrang matchote nokona re·bapilmiting somoioba rama gimik chi rudapaniko dontongja maina A•chikrangni bebera•ani gita je gita sin·a dekdeka aro chirangko rudapa uni krisa mikkarang waa ine agana.
Na·simang ia video-koba nina man·gen:
Na·simang iakoba poraina man·gen: Reservation Policy-ni expert committee-ko jeanina Marcuise talata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
