Shillong, April 22: Sombar salo, bilsi 88 ong·gipa Pope Francis a·gilsakko watangaha aro uko re·baenggipa Sonibar salni 10 bajio gopgen ine Vatican parakataha. Bang·a Catholic-rang aro a·gilsakni dilgiparangko man·chape a·gilsakni pilak manderangan uni sianina kalimaniko daktokenga.
Budbar pringo, uni manggisiko St. Peter’s Basilica-ona ra·anggen jeon manderang uko nina re·baenba, bon·kamgipa watgrikaniko dakanggen. Mongolbar sal-o Pope Francis-ko coffin ba Mangsunduk ning·o dongipa official photo-ko Vatican jinmana mesokataha. Uni mangrakgipa bebe ra·ani aro gilja nokna on·kanganiko mesokani gita una Pope-ni ganding gitchak, papal hat ba sko-o ganani baksana rosary-ko jako donataha.
Bang·a a·songrang jekai South Sudan, Poland, uni atchiram a·song Argentina aro Phillippines a·songni manderangan una ka·saaniko mesokan baksana mande ra·aniko dakenga. Manderangna simsak nirokanina aro ka·saanina uko People’s Pope ba manderangni Pope ineba u·itokachim. Pope Francis-ko uni ka·sachakani, an·tangko onatani baksana tom·tomani aro kakket bichalna pangnan ku·rangko on·anina gisiko ra·kamgen.
Na·simang ia video-koba nina man·gen:
Na·simang iakoba poraina man·gen: U-16 Boys Cricket Tournament ko NGH-oba kal·anggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
