Shillong, July 18: Sorkari baksa agangrikna gita ku·baltitimgipako songe on·jaskal so·sojengjeng ong·atani kamrangko dontongjawa ine Robibar salo Hynniewtrep National Liberation Council (HNLC) bobil dol, mikrakataniko on·angaha.
“Agangrikaniko dakna gita sorkari chingna cholrangko oe on·kujaskal chinga so·sojengjeng ong·atani kamrangko dontongkujawa. Sorkari baksa agangrikna ku·baltitimgipako songe on·kujaskal chinga so·sojengjeng ong·ataniko dontongjawa,” ine HNLC-ni general secretary aro publicity secretary Sainkupar Nongtraw, seachi parakataha.
East Jaintia Hills a·jani Khliehriat-o boma gopretani ja·man so·sojengjeng ong·atani kamrangko dontongchina a·dokni Chief Minister Conrad K Sangma didiatahani gimin HNLC ia kattarangko aganchakatskaaha.
