Shillong, Aug 22: Sorkari niamko dongenchimode agangrikna re·ongkatbajawa ine Sonibar salo Hynniewtrep National Liberation Council (HNLC) parakataha.
Iani bidingo social media-o jinmana parakatengon, HNLC-ni gitcham dilgipa Cheristerfield Thangkhiew-ko police-rangni so·ote galanian HNLC-ni tom·tomaona re·bana nangnikaniko bon·atsrangaha ine HNLC-ni publicity secretary Sainkupar Nongtraw parakataha.
Sorkari baksa agangrikna sikenga ong·ode so·sojengjeng ong·atani kamrangko dontongchengna nanggen aro maming niamrang dongna nangjawa ine sorkariba, bobil dake chakatgipa dolna aganskaengachim ine nikna man·a.
