Shillong, Apr 8: Meghalaya sorkarini Principal Secretary Syed Md A Razi-ni Uzbekistan a•songo a•gilsakko watanganina Meghalaya a•dokba kalimpaaha.
Uni sianganina Meghalaya a•dokni Chief Minister Conrad K Sangma-ba kalimpaaniko parakatengon, uni sianiara namen rasong griani aro namen dukni ong•aha ine janapataha.
Chief Minister-ni u•iatani gitade, Uzbekistan a•songona re•angani ja•man Razi, an•tangni dongchakenggipa hotel-ni kuturio siangaha aro unbaksa re•anggipa manderang, hotel-o kam ka•enggipa manderang baksa kuturini do•gako pe•drae napani ja•mansa uni sigimin manggisiko man•aha. Koborko on•ani gitade, uni tusiengmiting somoio ua rang•gitik ka•tongni saaniko man•e sina nangaha.
Indake ong•engon, Razi-ni manggisiko ra•na gita ma•mong sorkario kam ka•enggipa uni jikgipa, Uzbekistan a•songona re•angaha aro uamang Mongolbar attamo India-o sokbanaba gnang ine ka•dongsoenga.
Syed Md A Razi, bilsibrina skangsan, Railway-o kam ka•aoni Meghalaya a•doko dangdike on•na watatako man•aha aro uko uni dilna changani aro on•kange kam ka•ani gimin mande ra•tokachim. Ua Jal Jeevan Mission-ni Mission Director ong•e kamko ka•angaha aro uni dilanichi Meghalaya a•doko bang•a nokdangrangan ringani chirangko man•tokaha. Iana a•dokni Chief Minister Conrad Sangma-ba Razi-ko mittelpilangaha.
Adita salrangna skangsan uni sina skang, Razi-ni Meghalaya a•doko dangdike on•aniko India sorkari, bilsisana ra•dodapattaiahachim indiba uni rang•gitik a•gilsakko watanganiara a•dok sorkarini kamrango bangbang ong•aniko donangaha.
Razi-ni siangani ja•man, a•dokni Chief Minister Conrad K Sangma, Assembly-ni Speaker Thomas A Sangma, PHE Minister Marcuise N Marak, Education Minister Rakkam A Sangma, gipin minister-rang aro MLA-rangba, an•tangtangni kalimpaaniko aro una mande ra•pilskaanirangko parakattokaha.
Na·simang ia video-koba nina man·gen:
Na·simang iakoba poraina man·gen: Assam-o Bihu Dance Workshop-rangko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
