New Delhi, July 11: A·songni chonchongipa sildoreng onchongram ba airport-rang baksa nangdimatna miksonge, 33-gipa Union Civil Aviation Minister-na mija Sombar salo gital ong·e ku·mikchetanggipa Pa Jyotiraditya Scindia, a·doktang Madhya Pradesh-ni manderangna mijalo namgipa koborko parakatanio, UDAN scheme-ni ning·o re·baenggipa July 16 tarikonide bol-chet gital sildorengrang a·dokoni bilruragnok ine u·iatangaha.
Civil Aviation Ministry aro Aviation Industry, ia UDAN scheme-ko chubata gadangona ra·doangna gita kang·kare kaenga ine janapatenba, ia gital sildorengrangko SpiceJet-chi chalaigen ineba minister an·tangni Twitter-o see parakataha.
Iana skang minister ong·anggipa Pa Hardeep Singh Puri-ni mija bilsio aganangani gitade, UDAN scheme-ni ning·o ge 100 sildoreng watkugijagipa aro wata komienggipa airport-rangoni sildorengrangko watchakatna gita ma·mong sorkari nisanko donsoaha.
A·songni chonchongipa airport-rang baksa nangdimatna miksonganiko done sorkari, ia scheme-ni ning·o ge 1000 sildoreng bilruraani ramarangkoba a·bachengate on·na gita mangsongenga, ineba minister parakataha.
