Shillong, Oct 27: National People’s Party (NPP)-chi dilenggipa Meghalaya Democratic Alliance (MDA) sorkarini kamrangna matnanganirangko maming saloba ia sorkari dongnuna jotton ka•ja aro pangnan kakketko mesokna gitasa inquiry-rangko dakatenga ine Bristibar salo, Meghalaya a•dokni Chief Minister Conrad K Sangma talataniko on•angaha.
MDA sorkariko inquiry dakanina aro committee-rangko songaninasa mingsing minggamaia ine Meghalaya Pradesh Congress Committee (MPCC)-ni president Vincent Pala-ni matnange agangipa kattarangna Chief Minister, ia kattarangko aganchakaha.
Chief Minister-ni parakatani gitade, sorkarini kamrangna matnanganirangko uni sorkari maming saloba dongnuna jotton ka•ja indiba kakketko ma•sie ra•na gita pangnan inquiry-ko dakatronga.
