Shillong, Jan 16: Meghalaya a•doko sorkarini land bank-ko bikotna manchienganiara Meghalaya Transfer of Land (Regulation) Act 1971-ko pe•ani ong•enga ine matnangenba Bristibar salo, Hynniewtrep National Youth Front (HNYF)-ni membor-rang, sorkarini kosako jingjengatanirangko dakangaha.
Budbar salo, Meghalaya State Investment Promotion & Facilitation Act 2024-ko taridapna gita Cabinet ra•chakangani ja•man, a•doko land bank bikotna manchianiko ra•galpilchina dabie HNYF-ni membor-rang jingjengatangaha.
Iani bidingo kobor ra•timgiparangna talataniko on•angengon, Meghalaya a•dokna dingtang dingtang company-rangni invest ka•aniko nangenga aro karkanarangkoba nangenga indiba a•doko land bank-ko bikotna manchianide a•dokna namen kenchakna nangani ong•enga ine HNYF-ni president Sadon Blah parakataha.
Land bank bikotna manchianiko ra•galpilchina sorkario dabiangengon, a•doko a•a ra•ani niamrangko sorkari poraie nipiltaina nanga ine Blah aganaha.
Dingtang dingtang company-rangna a•a on•na miksongengani gimin suk ong•nikjae, uamang re•anggipa December jani 20 tarikon Chief Minister-na chittiko on•manahachim ineba HNYF president parakataha.
Meghalaya State Investment Promotion & Facilitation Act 2024-ara Meghalaya Transfer of Land (Regulation) Act 1971-ni kosako re•gipa niamsa ong•a ine janapatengon, ian gipin niamrangko re•badena bil man•gipa niamsa ong•a aro Investment Meghalaya Agency (IMA)-ni miksonganian a•doko land bank-ko bikotanisa ong•engani gimin iako uamang maming dakeba ra•chakna man•jawa ine Blah aganaha.
Na·simang ia video-koba nina man·gen:
Na·simang iakoba poraina man·gen: Sanna banani kamrangko nambatatna budget-o 9%-ko chama: Conrad
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
