Tura, Aug 4: Kal•susaani a•bao gisik nange tom•dakgimin dol 22 Youth Club ba chadambe dolrangna da•al August-ni 4 tariko, Rongara-Siju-ni MLA Rakkam A Sangma, dingtang dingtang kal•susaani bosturang, jekai Football, Cricket Bat Ball aro Jersey-rangko suale on•angaha.
South Garo Hills a•jani Siju Tolegre, Rongsu, Rongdong, Tolegre, Rongchekgre aro uandakgipa jolni dingtang dingtang gittimni chadambe dolrangna ia kal•susaani bosturangko skanggipa suale on•angaha.
Ia dolrang jerangan da•alo an•tangtangni dolni bimingko segate kal•susaani bosturangko ra•angahachim, uamangna mikkangchiba kal•susaani bosturangko uamangni nangani kri suale on•angkugen ine ia bosturangko suale on•angani somoio Pa. Rakkam A Sangma aganangaha.
Ia jolni chadamberangna namgipa kal•chakani biapko mikkangchi tarie on•na gita proposal-rangko on•manaha aro ian a•doko nambatgipa kal•chakani biap ong•naba gnang ineba ua aganangaha.
