Tura, May 2: Ia bilsini February jao Core Geo Expedition dolni am•sandianirangko dake nianio, South Garo Hills a•jani Tolegre sepangjolo donggipa Gangdap rongkoloniko, ru•utbea bilsirangni fossil ba a•ningo ro•ong pil•gimin matburungni bimangrangko nikna man•aha.
Ia ro•ong pil•gimin bimangrangko nikani ja•mano, Geological Survey of India preliminary porikkako ka•e niaha.
Ia ro•ong pil•gimin bimangara, bilsi 35-40 million-mang ong•gen ine South Garo Hills a•jani DC aganengon, chong•mot somoi aro bilsikode, GSI-ni lab-o porikka ka•e niani ja•manosa u•ina man•gen aro ia biapona uamang bakan re•bataigen ine parakataha.
Indake, Core Geo Expedition, Tolegre-ni rong•kolko km 9-mangna bate napenba sandirikkitaniko dake niaha aro ua somoio, ia nikronggijagipa fossil-rangko nikna man•aha inenba, sandirikkitaniko dakenggipa dolrang, DC-na seatgipa chittio janapataha.
“Kam ka•rimskarang baksa name chanchirimaniko dakani ja•mano, ia ro•ong pil•gimin bimang, komibeoba 35-40 million bilsimangni gita ong•gen ine chanchichipna man•aha aro ian, ia chasongo gimagimin ba nikna man•gijagipa Rhodocetus ba Amulocetus ma•malni ong•na nanga. Ia matburungni itihasko niatgenchimode, ia matburung timi na•tok ma•maloni ong•na nanga ine chanchichipenga. Pilak chimonggimin data-rangko nipilatgenchimode, India a•songo ian skanggipa changna iandakgipa matburingni ro•ong pil•gimin bimangko nikchenganiba ong•aha,” ine Core Geo-ni am•sandigiparang, DC-na seatgipa chittio parakataha.
Iandakgipa biaprangko ong•telaigiparang aro manderangni nikanichi aro unbaksana da•o wachi sokahaode gimaatani cholrang donga, uni gimin man•a dipet iani bidingo ta•raken porikka ra•e nina nangenga ineba Expedition-ko dilenggipa Ayush Singh aro Thomas Arbenz janapataha.
Na·simang ia video-koba nina man·gen:
Na·simang iakoba poraina man·gen: Shillong Western Bypass project-na bakan a•arangko NHIDCL-na pakwatgnok: Dy CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
