Baghmara, Oct 8: South Garo Hills a•jaoba dontonggija mikkarang waanganichi bang•en a•arang be•ani aro chi bananirangko nikna man•ahani gimin Mongolbar salo Meghalaya a•dokni Chief Minister Conrad K Sangma, South Garo Hills District Administration baksa tom•e, nipilanirangko dakangaha.
South Garo Hills a•jao a•a be•ani aro chi bananirangchi damgittam block-rango donggipa dam 40 songrang nangchakeaniko man•angaha aro 462 nokdangrangoni sak 2510 manderang neng•nikanirangko chagrongna nangtokaha. Sukrobar pringo, Gasuapara block ning•o donggipa Atisia Songmong-o nok te•sako a•a rurongdapanio ia nokdangni sak 7 manderang sina gita nangahachim.
Mikkangchi iandake chi banani aro a•a be•anirango manderangni janggirang gimajana gita aro manderangni gam-jinrangko chel•chakna man•na gita ia tom•anio a•dokni Chief Minister, cholrangko sandiani bidingo official-rang baksa chanchirimangaha.
Nosto ong•ata man•gipa rama jal•langrangko ta•raken taripilchina gita ge•etaniko on•angengon, neng•nikanirangko man•enggipa manderangna pilak nanga dakchakanirangko on•china gitaba Chief Minister, South Garo Hills a•jani official-rangko didiangaha.
Dimapara-oni Chief Minister, Atisia Songmong-ona re•ange, a•sel ong•gipa biapona km 2 ramako ja•achi re•angaha.
Ia biapona sokangani ja•man ua, sianggipa mande saksnini nokdangna ex-gratia-ko Watison Marak aro Baseng Momin-ni jako on•eaha.
Ia songo ua sianggipa manderangna bi•aniko ong•atanio bak ra•angpaaha aro manderangni neng•nikanirangkoba knatime ra•angaha. South Garo Hills a•jao rama jal•langrangko aro bijolirangko ta•raken taripile on•na gitaba Chief Minister ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Rickshaw aro tela gari chalaigiparangko Union Minister Sonowal gronga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
