Shillong, Apr 25: Bristibar pringo, South Garo Hills a•jani police-rang, buring damsaoniko pong 340-na baten Anti-Aircraft gulirangko aro ge•bri guli bakosrangko man•aha.
Police-rangni u•iatani gitade, South Garo Hills a•jani Chokpot police station ning•o donggipa Chibokgre songni buringo bobil dake chakatgipa manderang, guli bakosrangko dongnue donenga ine koborrangko man•soani ja•man Chokpot-ni police-rang, ia biapona re•ange am•sandianirangko dakenba pong 340-na baten Anti-Aircraft gulirangko aro ge•bri guli bakosrangko man•aha.
“Bristibar pringni 1:15 bajimango Chokpot-ni SDPO baksana Sadar-ni CI, Chokpot-ni OC aro gipin police-rang, dongnue donenggipa silchidarerangko sandina re•angaha aro pringni 3:27 bajimango uamang, Chibokgre buringo dongnue dongipa anti-aircraft gulirangko aro guli bakosrangko man•aha,” ine Police official parakataha.
Ia anti-aircraft-ara, sildoreng aro mongsongbate jet fighter-rangko gona jakkalgipa silchidare ong•achim ine nikna man•a.
Na·simang ia video-koba nina man·gen:
Na·simang iakoba poraina man·gen: Ramao a•sel ong•e Assam-ni YouTuber saksa sianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
