Baghmara, Aug 25: Bilsi chu·ongkugijagipa desaron sakgniko drae til·eka ine badi ka·anio pangchake Nongalbibra Police Station-ni ning·o ong·gipa biapni mande saksako rim·e sal 14na hajoto donataha.
Policeni aganani gita, badi ka·anio pangchake ua mandeko Protection of Children from Sexual Offences Act (POCSO), 2012ni ning·o aro Indian Penal Code-ni gipin niamrango pangchake rim·aha.
Badi ka·ani gitade ua mande uni desaron demechik sakgniko batanggimin bilsi gimikan drae til·ekaha. Indiba aiao inmananide, indakgipa obosta bilsi gimikan ong·engoba uni bidingo policena nalis ka·e dongjachim. Kal·aka man·gipa me·chik bi·sarangoni saksa ong·a obostako noksulni mandena aganani ja·manosa policena agane on·ani kamrang a·bachengaha.
Ong·a a·selni ong·ani bidingo niamni gita sandianirang ong·enga aro u·idaprorona man·anio pangchake ia mamla dal·anggen ine niksoenga.
Ong·a obostarangni bidingo me·chik bi·sarangni ma·gipao sing·on ua iarangni gimin mamingkoba u·irikja ine aganaha. Policeni aganani gitade, ua ma·gipani agana kattarangko chekna nangani ong·enga, maina nokdango golmal ong·anirang skango dongangaha.
Na·simang ia video-koba nina man·gen:
Na·simang iakoba poraina man·gen: Rough Road-ni gital music video-ko release ka·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
