Shillong, Jan 28: South Shillong Constituency, ian, namroro silroroani bidingo dakmesokani ong•a ine mesokna gita tik ka•engon, MLA Sanbor Shullai, Constituency-ni ning•o dam 10 rama jallangrangko tarina gita, gong crore 15.21 tangkarangko chamataha.
Indake, Shullai jinmana aganprakengon, mikkangchi re•bagni chasongrangni namgnina iandakgipa project-rangko on•engon, a•a nokgiparang maming neng•nika gri an•tangtangni a•arangko on•aha, aro a•dok gimikoni South Shillong-an, namroro silroroani bidingo niatgenchimode, mingsa dakmesokani ong•a inenba aganaha.
Ia chamatgimin rama jallangrangko tariani project-ko, General State Scheme 2022-2023 ni ning•o pangchake a•dok sorkari chamataha ineba MLA u•iataha.
PWD Department-ni chamatgimin ramarangara, Rilbong Community Hall-oni Rilbong Shillong-ni Umshyrpi dollong-ona kingking re•gipa PWD ramako apalatenba, ro•ong binekatgiminchi jetenba black topping ka•na gita, gong Rs. 4,35,56,000/- (crore bri lakh kolatchibonga hajal sotbonga dok) tangkarangko chamataha.
LHS-o Mynsain Forest PWD ramaoni Upper Lumparing, Shillong-o Shri Deb Das Chakraborty-ni dongram nok sepangona re•gipa ramako tarina gita gong Rs. 1,38,70,000/- (crore sa lakh kolatchichet Hajal sotsni) tangkarangko chamataha.
PWD Road Shillong-ni Madan Laban-o Dr. Merybell Marbaniang-ni dongchakenggipa nok ramaoni Shri Rolet Rynjah aro gipinrangni dongram nok sepangona kingking re•gipa ramako gari re•na man•e tarina gita Rs. 1,77,83,000/- (crore sa lakh sotsni sni hajal sotchet gittam) tangkarangko chamataha.
Seng Khasi Ri-Raid Laban-ni, Lumparing-o donggipa Lumjingthang ba mande sigimin soe galchakram biapona re•gipa ra•mako gari re•na man•e tarina gita Rs. 82,81,000/- ( lakh sotchet gni hajal sotchet sa) tangkarangko chamataha.
PWD Road, Shri Thelesar Syiemlieh-ni donggipa nok Top Um sepangoni Kynjat Phutbol, Shillong-ni Block A-o donggipa Smti Shortina Rynjah aro gipinrangni dongram nok sepangona re•gipa ramako tarina gita Rs. 63,13,000/- (lakh sotdok gittam hajal chi•gittam) tangkarangko chamataha.
Aqueduct Drainage System ba chi joke katna man•a gita nallarangko tarina, PWD Road, Laban-ni Glorymai-oni Madan Laban, Shillong-ni St. John School ba gilja nok-ona tarina gita Rs. 55,29,000/- (lakh sotbonga bonga hajal kolgrik sku) tangkarangko chamataha.
Kshaid chiring kosakoni gari re•na man•e tarionbana gita, Smti Q. Kharwanlang sagini nok sepangoni Lower Lumparing (Dhobi Ghat)-o donggipa PWD-ni dollong-ona kingking tarina gita Rs. 1,14,41,000/- (crore sa lakh chi•bri hajal sotbri sa) tangkarangko chamataha.
Kench’s Trace Road-o donggipa Bishnupur Taxi stand-oni Upper Kench’s Trace-o donggipa Bethesda Hospitalona chi jokchakani biaprangko tarina gita Rs. 2,41,50,600/- (crore gni lakh sotbri sa hajal sotbonga ritcha dok) tangkarangko chamataha.
Rilbong-o donggipa Art & Culture-ni Main Entrance Gate-oni Umshyrpi-ni Rilbong Community Hall-ona re•gipa ramako tarina Rs. 1,98,30,700/- (crore sa lakh sotsku Chet hajal kolatchi ritcha sni) tangkarangko chamataha.
Gari re•na man•gipa ramako cement-chi rakgipa ramako tarina, Lady Keane-ni Premises-ona re•gipa Keating Road-oni HP culvert baksa tarina gita Rs. 14,18,200/- (lakh chi•bri hajal chi•chet ritcha gni) tangkarangko chamataha.
Iakoba poraie nina man·gen: M’laya a·dokni namroro silroroaniko Republic Day-ni salo CM mesoke on·anga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
