Agartala, Sept 16: Sonibar salo, South Tripura a•jao bilsi chu•ongkugijagipa me•chik bi•sako skul joke re•bapilmitingko rim•srukangenba til•ekdraaha.
Me•chik bi•sani nokni manderang uko rim•srukangaha ine ma•sienba am•sandianiko dakatahaoba man•jatelenba police dolrangni dakchakaniko am•na Belonia Women Police Station-ona re•angenba, FIR-ko segateaha. Indake police dolrang am•sandianiko a•bachengatahaon, me•chik bi•sako uni nok sambaon gale donangaha ine koborrangko man•an baksana rim•srukanggipa bilsi 22 ong•gipa me•asara uamangni gittim apsanonin ine u•ina gitaba man•aha aro uni kosako section 127(1), 96/76/65,(2) BNS aro POCSO Act Section 4- ni ning•o case-koba segatan baksana sing•sandianikoba a•bachengataha, inenba police official saksa u•iataha.
Sukrobar salo mangmangsan, Tripura Police dolrang, North Tripura a•jao bilsi sokkugijagipa me•chik bi•sako jinma til•ekdraanio bak dongpagipa sakgni chadamberangko rim•ahachim aro sakgnian bilsi 20-ni chadamberang ong•an baksana apsan a•jao songdong achagiparangba ong•achim. Bristibar attamo ia chadambe sakgni, ua me•chik bi•sako dokan re•angmiting somoio rim•srukangenba sepango donggipa buringona rimangenba til•ekdraaha.
Na·simang ia video-koba nina man·gen:
Na·simang iakoba poraina man·gen: Big Futsal Fest-o AG Meghalaya Futsal Team chegipa ong·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
