Tura, Apr 21: Re·anggipa April-ni 17 tariko, South West Garo Hills a·jani Garobadha jolo donggipa Gandhipara songo Chenga Benga Mela-ko ong·atengmiting somoio me·chik bi·sa sakgniko chadrapenba drae til·ekaha.

Ia Chenga Benga Mela-ko bilsiantian ong·atronga aro ia mela-ona Garo Hills aro Assam-oniba bang·en manderang re·bae bak ra·erongachim.

Ia a·sel ong·ani somoio me·chik bi·sa sakgni, me·asa saksa baksa mela-ona re·baahachim indiba ja·mano dos dakgipa manderang, ia me·asako dokenba, me·chik bi·sa sakgnioni saksako drae til·ekaha.

Chadrapako man·gipa me·chik bi·sa sakgnini police-rangna aganani gitade, dos dakgipa manderang Bengali ku·sikko aganachim.

Iani bidingo police-rang, Ampati police station-o mokordoma ka·e, am·sandianirangko dakna a·bachengataha.

Ia a·selni bidingo inquiry-ko dakna gita South West Garo Hills a·jani police-rang, Special Investigation Team (SIT)-koba songe donangaha.

April-ni 18 tariko, Meghalaya Koch Students Union (MKSU)-ni gitaba ia a·selni bidingo Garodoba police outpost-o FIR ka·doangaha aro MKSU-ni FIR-o janapani gitade, me·chik bi·sa sakgniko sak 12-oni sak 15-mangni gita mikkang katipgipa manderang rim·gittangangenba drae til·ekahachim.

Police-rangni u·iatani gitade, ia a·selni bidingo Ampati Women PS-o POCSO Act-ni ning·o mokordoma ka·aha indiba da·o dipet darangkoba rim·na man·kujaenga.

Indake ong·engon, ia a·selni bidingo social media-o tol·e post ka·atani a·sel manderangni gisepo ding·chaoatanirang ong·kataha aro iani bidingo manderang, social media-o post ka·atgipa dolko raken jegalataha.

‘Hindu me·chik bi·sa sakbriko sak 25 jihadirang drae til·ekaha’ inesa Legal Rights Observatory minggipa dol, ‘X’ social media-o a·kangataha aro iani a·sel manderangni gisepo ding·chaoanirang ong·kataha.

Indake ong·genchimoba Hub News-ni am·sandie man·ani gitade, April-ni 17 tarik attamo, me·chik bi·sa sakgni aro me·a bi·sa sakgniko sak 12-oni sak 15-mangni gita manderangsa chadrapahachim aro ia me·chik bi·sa sakgniko medical test ka·on, sakgnioni saksakosan drae til·ekaiahachim ine ma·sina man·aha.

Na·simang ia video-koba nina man·gen:

Na·simang iakoba poraina man·gen: AIUDF-ni padot Badruddin Ajmal, LS Election-o chegen ong•ode te 700 madrassas-rangko kuligen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020