Tura, Mar 28: School Programmes in Articulation, Resilience & Kindness (SPARK) Summit 2025-ko Sukrobar salo, Tura-ni District Auditorium-o ong•atangaha aro ia program-ko ong•atanio, Meghalaya a•dokni Chief Minister Conrad K Sangma, mongsonggipa sokgipa ong•e bak ra•angaha.
Ia SPARK program-ara, Samagre Shiksha-ni ning•o Meghalaya sorkarini ning•o donggipa Education Department-ni a•bachengatgipa program ong•a aro ia SPARK Summit-ko ong•atanio, Education Department-ni Advisor HM Shangpliang, Education department-ni Secretary Swapnil Tembe, West Garo Hills a•jani Deputy Commissioner Jagdish Chelani, dingtang dingtang skulni principal-rang, chatro chatrirang aro gipinrangba dongpae bak ra•angtokaha.
Ia program-ko ong•atanio a•dokni Chief Minister, jinmana aganprakangengon, lekka porako on•ani mongsonggipa miksonganiara bida budiko on•nasan ong•aigija chatro chatrirangni gisepo ka•donganiko, dingtang dingtang kamrango changa sapanirangko aro janggi tangani cholrangko on•na miksonganiba ong•a ine aganangaha. Ia SPARK program-ko a•bachengatanichi, maikai ramram dake agangrikani, altugipa kamrangko skie on•ani, namgipa chanchiani aro ka•sae mesokanichi chadamberangni gisikrangko dingtangatna man•aniko mesokaha ineba ua aganaha.
Ia gital chasongo mandeni agangrikna changani, jinmao aganprakna changani, ka•sae mesokani aro namgipa dakbewalrangara, lekka pora donggipa gitan apsan dake gamchatgipa ong•a ine janapatengon, ia SPARK program-ba chatro chatrirangko, mikkangchi uamangni neng•nikanirangko chel•chakna tarienga ine Chief Minister aganaha.
West Garo Hills a•jani dingtang dingtang skulrango ia SPARK programara, chatro chatrirangni dakbewal, ka•dongani aro poraianirango dingtanganiko ra•bana dakchakaha ineba ua aganaha.
Lekka porani kamrangko mangrakbatatna Meghalaya sorkari on•kange kamko ka•enga ine janapatengon, mikkangchiba lekka porako on•anio olgrokanirangko namdapatna aro chatro chatrirangko mande ong•atna kam ka•anio SPARK gita dakgipa program-rangna sorkari, pilak nanga dakchakanirangko on•angkugen ine Chief Minister, ku•rachakaniko on•angaha.
Skigiparang aro skulrangni daitorangko janapangskaengon, ia program-ko chu•sokgipa ong•atna an•tangtangko on•kange kam ka•engani gimin skigiparangko aro dingtang dingtang skulni dilgiparangko Chief Minister mittelpilangenba, dakmesokani gnang chatro chatrirangko re•dilchina skigiparangko didiangaha aro chatro chatrirangkoba pangnan ka•sae dakani, kakket ong•ani aro bamgipa ong•ani gunko rakkichina agan-ku•pattianirangko on•angaha.
Ia tom•anio ua dingtangmancha SPARK program-ni miksonganirangkoba jinmana agan-talate on•angaha aro iandakgipa program-rango bakrimaniko on•china ma•a paarangko, songsalni dilgiparangko aro dingtang dingtang dolrangkoba didiangaha.
Ia program-ko ong•atanio, Education Department-ni Advisor HM Shangpliang-ba jinmana aganprakengon, SPARK program-ko chu•sokgipa ong•atna rakbee kamrangko ka•engani gimin skigiparangko aro chatro chatrirangko mittelpilangaha.
Iana skang, Education Department-ni Secretary aro State Project Director Swapnil Tembe, SPARK Outcomes Report-ko on•angenba, ia program-ni ning•o chu•sokanirangko jinmana talate on•angaha.
Bon•kamao, SPARK-ni ning•o dilanina aro chu•sokanirangna dingtang dingtang skulni principal-rang, skigiparang aro chatro chatrirangna tablet-rangko on•e mande ra•pilskaanikoba dakangaha.
Na·simang ia video-koba nina man·gen:
Na·simang iakoba poraina man·gen: Do•o jile cha•enggiparangni neng•nikanirangko niatna Task Force-ko songgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
