Shillong, Nov 27: Meghalaya Assembly-ni Speaker Thomas A. Sangma, National People’s Party-ona Congress party-ni napbaenggipa MLA-rangko nokchakna kusi ong•a aro uamangko rimnapanio maming dingtangani dongjawa ine aganan baksa je party-ni MLA-koba party-o napbana mol•molaniko uamang rimchaksoenga ine parakataha.

Kobor ra•timgiparang baksa agangrikengon, an•chinga jakgitelgipa a•songo dongengani gimin sakantian je party-oba napna bil man•giparang ong•a, uni gimin je mangan NPP party-ona napabana skengachim uamangko nokchaksona kusi ong•a aro ia Congress-oni napbaenggipa MLA-rangko name niam gita sandianiko dakchengesa party-o nokchakenga ine aganaha.

Batanggimin November 3 tariko, Opposition Congress-ni dilgipa, Vincent H Pala, NPP-ona napangenggipa MLA-rangko ra•galchina mol•molanio Assembly-ni Speaker-oni maming aganchakaniko man•sojani gimin gisiko suk ong•gijaniko parakataha aro ru•utgijan Meghalaya High Court-o iani bidingo badi ka•angna aganaha.

Indake ong•engani gisepon, Dr. Mehtab Chandee A. Sangma-ko Assembly-o man•dapa ja•man me•chik doloniko saksa dilgipako man•dapahanina kusi ong•aniko parakatskaaha aro ian Meghalaya a•dokni manderangna rasong chabeani ong•a ineba Speaker Sangma janapataha.

Na·simang ia video-koba nina man·gen: 

Na·simang iakoba poraina man·gen: Tura Me•gong International Literary Festival 2024-ko Tura-ni DC park-o a•bachengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub