Itanagar, Nov 18: Robibar salo chong•motan November jani 17 tariko, Indian Army-ni Spear Corp dolrang Kepang La Day-ni salko Gelleng-o maniangaha. Gelleng ian India-ni skanggipa song ong•a jean Indo-China dakgrikanio janggitangko on•kanggipa sipairangko aro ua neng•nikmiting somoirango sipairang baksa dongpagipa songni manderangko gisik ra•e mande ra•aniko dakchenggiparang ong•a.
Kepang La, Indo-Tibetan Line of Actual Control-ni a•bri rama, Arunachal Pradesh-nianderangna namen gamchatbegipa ong•a. Kepang La, ian Yarlung Tsangpo (Brahmaputra) chibimani sambao donggipa a•brini apchongipa rama ong•a jean a•songni sima ario India-ni sipairangni ka•donge dakgrikanirangkoba nikangaha. Kepang La dakgrikna tarisamsona gamchatgipasan ong•aija , indiba ian bading chiwalanina jakkalgipa ramaba ong•a jean Siang Valley-ko Tibet baksa nangdimata aro indake bosturang jekai Tibetan textiles, Mishmi coats, kari gisim, silgrak-rangko ra•bana gita dakchaka.
Kepang La Chorten-o bang•a rongtalgipa chin ba biaprangna agreba, 1950 bilsirango ua jolo bading chiwalgipa dolrangni rikgimin stupa ba bo•rome rikgimin nokba gnang jekon Army-rangni dakchakanichi 1959 bilsi rikpiltaiaha. Aganritingbaani gitade, ia stupa-ni a•a ning•chi toromni gita tarigimin mangkrongrangko a•a dapaha, aro ian toromnokko mesokasan ong•aija indiba uamangni jatni ku•cholsan ong•ani aro bilakanikoba mesoka.
1962 bilsio dakgrikani somoio, Siang Valley ka•donganiko mesokgipa aro janggitangko on•chakram biap ong•aha. Gelling songni manderang, Nyugong Ri sambao Chinese PLA sipairangni ja•gamrangko nikenba Indian Army dolrangko ta•raken ja•ku de•aniko dakchina gita u•iataha. Konta 8-na banggija sipairang baksa dakgrikanichi, India-ni sipairang valley-ko chelchakna gita man•aha.
Iano janggitangko on•kanggipa sipairangara, 2 Madras Regiment-ni Nb Sub Sheikh Subani, Hv B. Ramakinga G, Sep Murri Raja, Sep Appa Rao aro Sep Ellias ong•a. Dakgrikani somoirango neng•nikanirangko man•genchim ong•oba aro PLA dolrangni bang•a songrangko ra•sekdrae donggenchim ong•oba, ua jolo songdonggipa manderang Army baksa kim•kim ong•e dongpaaha.
Ua jolo donggipa saksa, Sherab Memba sagi, jean dakgrikmitting somoio Army-na dakchakpaaniko on•ahachim, uni ka•donganina unomiting ong•enggipa, Prime Minister Jawaharlal Nehru-ni jakchi civilian medal-ko on•angaha.
Kepang La Day-ni salko, Kepang La Chorten-o Guard of Honour baksa pulrangko donne sianggipa matgrikrangko gisik ra•e mande ra•aniko dakangan baksana Gelling Monastery-o sianggiparangna bi•chakanikoba dakangaha.
Na·simang ia video-koba nina man·gen:
Na·simang iakoba poraina man·gen: NPP dol, Biren Singh-chi dilenggipa sorkarina chakpaaniko ra•gala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
