Guwahati, April 12: Sukrobar salo, matburingrangko badingsrukaniko champengatna gita kamrangko ka·anio, Assam Police-ni Special Task Force (STF), bilsi 34 ong·gipa Debashis Dohuta, bilsi 28 ong·gipa Manash Dohutia aro bilsi 40 ong·gipa Dipankar Gharphalia maangko Dibrugarh-o rim·an baksana mang 11 nikronggijagipa Tokay Gecko ba goke-rangko naljokataha.
Police dolrang, Wildlife Justice Commission (WJC)-oniko koborrangko man·soenba, jolni police dolrang baksa Mohanbari Tiniali-o donggipa Sun Feast Dhaba-o AS-W25-5506 registration number donggipa car gipok bolsa aro AS-06AF-0276 registration number donggipa motorcycle bolsa-ko dongdipataha, jeonikon uamang gitchak rongni jollongga ning·o nylon-ni jolao goke-rangko kae ra·angengako man·aha.
India a·songo, Wildlife Protection Act, 1972-ni ning·o ia nikronggijagipa Tokay Geckos ba goke-rangara naljoke rakkienggipa matburingrang ong·a. Ia nikronggija goke-rangko rim·ani ba palaniara niam pe·ani ong·a aro saoba ia niamrangko pe·a ong·ode uamangko bilsi 7-ona kingking pattok ning·o dona gita man·a. Rim·a man·giparangni aganani gitade, uamang ia goke-rangko Arunachal Pradesh-oniko rim·baaha aro uamang ia goke-rangko mangprakko lakh 1 dake palatna miksongengachim. Police dolrang uamangoniko mobile phone-rang aro lekka pancharangkoba rim·aha.
Na·simang ia video-koba nina man·gen:
Na·simang iakoba poraina man·gen: Shillong Cricket Academy team Assamni U-19 tournament-o bak ra·gen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
