Guwahati, March 29: University of Science and Technology Meghalaya (USTM)-ni Physiotherapy Department, West Bengal-ni Burdwan Institute of Medical and Life Science-ni u·i-ma·sigipa Dr. Satyen Bhattacharya-ni dilanio, Physiotherapy poraienggipa chatro chatrirang aro kam sapbegiparangna Spinal Manual Therapy-ni bidingo dake rike niani workshop-ko 2025 bilsini March 27 tarikoni 28 tarikona ong·atangaha.
Dr. Bhattacharya, janggil bolgro saa donggiparangna dingtang dingtang sanani bewalrangko skie on·enba, iano bak ra·giparangna uamangni changa sapaniko namdapatna gita dakchakaniko on·angaha. Ia skie ra·anio janggil bolgro saaniko sana jakkalgipa mingsinggipa sanani niamrang jekai Maitland, Mulligan, aro McKenzie-ko mongsongbate gisiko on·bate skie on·angaha. Iano bakko ra·pagiparang ia skie on·anirangko maikai jakkalna gita nangachim uni gimin skie on·ako man·e ranta ka·anirangkoba dakangaha.
Uasan ong·aigija, ia workshop-o bakko ra·giparangna uamangni u·ie ra·anirangko janggi tanganio chagrongmanchagipa medical-ni case-rango jakkalna man·a gita dakchakanirangko on·angaha. Ia workshop-ko USTM-ni Vice Chancellor, Prof. G. D Sharma-ni rimchaksoani kattarangchi a·bachengataha, jean sagiparangna nambata sananiko on·a gita jaktangchi dake niani gamchatani gimin talate on·angaha.
Bon·kamani session baksana certificate-rangko sualani, bakko ra·pagiparang aro Dr. Bhattacharya-ni gamchatbegipa on·gilanirangna mittelpilskaaniko dake ia workshop-ko matchotataha.
Na·simang ia video-koba nina man·gen:
Na·simang iakoba poraina man·gen: NEHU-ni Digital Planetarium-ko Skotong Minister nokdonggae on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
