Tura, Oct 23: Kerala a•dokni Catholic Sister Rani Maria-ni janggi tangani bidingo tarigipa aro a•gilsak gimikon mingsing minggamenggipa ‘The Face of the Faceless’ jawilwatko Tura Diocese, Tura-oba re•baenggipa October 27 tarikoni October 30 tarikona, salantian attam 1:00 bajioni attam 5:00 bajiona, Chandmari-o donggipa Sacred Heart Parish Hall-o mesokanggen.
Franciscan Clarist Congregation-ni membor Sister Rani Maria-ko, Madhya Pradesh a•doko cholgri ong•gipa Tribal jatrangna aro kam ka•e cha•enggiparangna dingtang dingtang program-rangko ra•gatanichi an•tangko on•kange kam ka•ahani gimin mingsingachim aro uni iandake kangal cholgrirangna kam ka•ahani giminan mitam a•a nokgiparang uko ku•chingna a•bachengaha. Uandaken Sr Maria-ko 1995 bilsio, Indore songjinma sambao, bus gario songreengmitingko su•e so•otaha.
Iandake dinggrikanio Sister Rani Maria, janggitangko gimaatna nangahaoba, 2017 bilsio Catholic mondolini gita una ‘Blessed’ ba ‘Pattia man•gipa’ ine upattiko on•angaha.
‘The Face of the Faceless’ jawilwatko Tri Light Creations tariaha aro ia jawilwatara, Sister Rani Maria-ni bebera•ani, ka•dongani aro manderangna dangdike on•ani kakket golpoko tarigipa jawilwat ong•a.
Ia jawilwat, ming 75-na baten international award-rangko man•aha aro ia 2024 bilsini chang 96-gipa Academy Award-naba ia jawilwatko seokmanaha.
Ia jawilwatko nina gita dingtangmancha tikitrangko ra•gen aro tikitrangko mesokatenggipa biaprangoniko brena man•gen: Cathedral Parish, RC Road, Tura; Sacred Heart Parish, Chandmari, Tura; Don Bosco School, Tura; Don Bosco College, Tura; Holy Cross Parish, Rongkhon; Our Lady of Rosary Church, Araimile; St Luke’s Parish, Tura; Holy Cross Hospital, Walbakgre, Tura.
Na·simang ia video-koba nina man·gen:
Na·simang iakoba poraina man·gen: Inter School aro Inter College Cricket Tournament-ko Tura-o ong•atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
