Guwahati, Apr 27: Kolkatani Satyajit Ray Film and Television Institute (SRFTI) ni chatro saksani tarigipa jawilwat ‘A Doll Made Up of Clay’ ingipako France a·songni La cinef ni chang 78 gipa festival Cannes 2025 na seokako man·aha.
La Cinef ingipara 1998 bilsio bikotgipa ong·a jean Cannes Film Festival-o kan·dikgipa jawilwatrangko mesokrongenggipa ong·a. A·gilsak gimikni kan·dikgipa jawilwatrangko tarigiparang iano an·tangtangni changa-sapanirangko pangnan mesokrongenga.
‘A Doll Made Up of Clay’ ingipara minute 23 ni jawilwat ong·a jeon Nigeriani chadambe robol kal·susaanio chu·sokgipa ong·na niksamsogipa mandeni golpoko tariaha. Jawilwatni golponi bidual gita, ua Nigeria ni chadambe an·tang jumangko chu·sokatna ine ua pagipani a·ako palaha indiba ua biljimbee saknaako man·enba mamingba ka·donga gri gita dongna nangaiahachim. Indiba ua miksongatangko watgaljaha, an·tangko ka·dongataha, bilakataha aro bon·chotao ua an·tang janggi tanganio chu·ongnikaha.
Ia jawilwatko a·gilsakni dingtang dingtang biaprangoni melie tariaha. Indiaoni Sahil Manoj Ingle iako produce ka·aha. Ethiophiaoni Kokob Gebrehaweria Tesfay minggipa direct ka·skaaha aro SRFTI ni dakchakanichi jawilwatko chu·sokatna man·aha.
“Ia jawilwatko seokaniara chingna namen rasong chabeani ong·a” ine Sahil Manoj Ingle aganaha. “Ia jawilwatni golponi miksonganiara mandeni niksamsoani gnang songreani aro uko somoini kri ra·chakna nangani bidingo ong·a. Ia jawilwatko serikania chingna namen kusini ong·a” ine jawilwatni director aganaha.
“Jawilwat tariani a·bao iandakgipa dal·begipa chu·sokaniko man·e chinga namen chingni chatro-chatrirangna rasong chaa” ine SRFTI ni prof. Sukanta Majumdar aganaha.
1995 bilsio jawilwat tariana mingsingako man·gipa Satyajit Ray ni bimingo a·bachengatgipa SRFTI skul bang·a chadamberangna namgniko aro changa-sapani on·enga aro jawilwat tariani a·bao jakmingipa ong·na skianiko on·enga.
Chang 78 gipa Festival De Cannes ingipako re·baenggipa May jao France a·songo ong·atgen aro uanon Indiani ‘A Doll Made Up of Clay’ ingipakoba mesokanggen.
Na·simang ia video-koba nina man·gen:
Na·simang iakoba poraina man·gen: Rock Musician-rangni tom·bimonganiko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
