Shillong, July 28: Meghalaya a•doko SSA program-ko name chu•sokatna man•na gita ma•mong sorkari bakan tangka paisarangko watatgnok ine Bristibar salo, Meghalaya a•dokni Deputy Chief Minister Prestone Tynsong parakataha.
Deputy CM-ni parakatani gitade, adita salrangna skangsan uamang, Finance Ministry-ni official-rangko grongeaha aro a•dokni Chief Minister Conrad K Sangma-ba Union Finance Minister-ko gronge agangrikon Meghalaya a•doko SSA program-ni kamrangna bakan tangka paisarangko watatna ku•rachakataha.
A•dokni SSA skulrango skigiparang, jabongani dormaharangko man•tokkujaengani gimin jingjengatanirangko dakon, skigiparangna jabrini dormaharangko on•na man•na gita a•dok sorkari, gong kror 122 tangkarangko watatna gita re•anggipa July-ni 21 tariko ku•rachakaniko on•angahachim.
Skigiparangna bangki jasani dormahakoba ma•mong sorkarioniko tangka paisarangko man•soahaon on•na gita sorkari ku•rachakaniko on•ahachim.
