Shillong, Oct 21: Samagra Shiksha Abhiyan (SSA) school-o skigiparang uamangni dormahako chu•gimikko on•china dabie aro sak 13,000 SSA skigiparangko State Implementation Society-oni Education Department-ona chapatskachina dabienba asonge jingjengataniko dakengani gisepon, SSA school-o skigiparang uamangni school-ona re•baani attendance-ko Teacher Information Management System (TIMS) App gita on•atna nangchongmotgen ine a•dok Sorkari u•iataha.
Ia u•iataniko SSA school-o skigiparangni attendance-ko ba school-o na re•baaniko u•ina man•a miksonge State Education Mission Authority of Meghalaya (SEMAM) u•iataha.
Ia u•iatanio, pilak SSA school-o skigiparang ia TIMS App-o bimungtangtangko segatna nanggen aro ia App-ko jakkaljringna nanggen jedakode, uamangni kakketgipa attendance-ko see rakkianiko dakanggen jekon uamangni dormahako on•anio Payroll and Employee Management System (PEMS)-ni gita jakkalchapanggen ine ge•etaniko on•ataha.
Ia ge•etaniko bakan chu•sokatchina State Project Director, Swapnil Tembe, pilak Deputy Commissioner aro District Mission Coordinator-rangna u•iatskaaha.
Indake Educationn Minister, Rakkam A Sangma, tangka paisani gita neng•nikaniko man•engani somoio uamangni dormahako chu•gimik on•ania altubea ong•ja indake ong•genchimoba, bil ama dipet kamrangko krenge ka•na sorkari jotton ka•enga ine aganaha.
Na·simang ia video-koba nina man·gen:
Na·simang iakoba poraina man·gen: W’nagar-o Police Commemoration Day-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
