Shillong, Oct 28: SSA skulrango skigiparangni kamko regularize ka•china dabitokengani gimin kamrangko regularize ka•na gita niamko ra•gatna skang a•dokni Chief Minister Conrad K Sangma, skigiparangko gronge agangrikna ku•rachakaniko on•ataha.
Iako Sombar salo, Meghalaya SSA Schools Association (MSSASA)-ni president Aristotle C Rymbai, Chief Minister-ko grongani ja•man parakataha.
Meghalaya a•dokni SSA skulrango skigiparang sak 13,000-na baten donga aro ia skigiparangni kamko naljokatna gita dingtangmancha niamko ra•gatna MSSASA, jagni somoiko a•dok sorkarina on•angahachim.
Rymbai-ni parakatani gitade, Chief Minister-ko gronganio uamang, SSA skigiparangni kamko naljokatna gita niamko ra•gatani bidingo Education department-ni tarigipa ku•pattianirangni gimin chanchirimangaha aro skigiparangni dabienggipani bidingo apsan chanchirimna gita bakan skigiparangko okamatgen ine Chief Minister ku•rachakaniko on•ataha.
Adita salrangna skang, Resubelpara-o Cabinet-ni tom•aniko ong•atanio, skigiparangni nangnikanina chakpaaniko on•ahani gimin ua pilak cabinet minister-rangkoba mittelpilataha.
Chief Minister-ni dilanichi SSA skigiparangni upper age limit-ko bilsi 37-oni bilsi 45-ona ra•doatahani giminba MSSASA a•dok sorkariko mittelpilangaha.
Na·simang ia video-koba nina man·gen:
Na·simang iakoba poraina man·gen: Indian Army dolrang Walong-o Half Marathon-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
