Tura, Aug 3: Ia bilsini Secondary School Leaving Certificate (SSLC) aro Higher Secondary School Leaving Certificate (HSSLC) Arts porikkani result-ko re•baenggipa August-ni 5 tariko parakatgen.
Meghalaya Board of School Education (MBOSE)-ni Controller of Examinations TR Laloo-ni u•iatani gitade, HSSLC Arts-ni result-ko pring 10:00 bajio aro SSLC-ni result-ko pring 11:00 bajio parakatgen.
Result booklet-rangko 2014 bilsi dipetan jakkaljaha indiba result-rangko MBOSE-ni www.mbose.in official website-oniko download ka•na man•gen ineba Laloo parakataha.
Laloo-ni u•iatani gitade, COVID-19-ko chel•chakna dongimin niamrang dongani gimin ia porikkani result-rangko Tura aro Shillong-ni MBOSE office-rango aro porikka sechakgipa centre-rangoba tape donjawa.
Ia HSSLC Arts aro SSLC porikkani result-rangko www.megresults.nic.in, www.jagranjosh.com, www.results.shiksha aro www.exametc.com website-rangonikoba nina man•gen.
