Tura, May 24: Ia bilsini Secondary School Leaving Certificate (SSLC) porikkani result-rangko parakatanio Tura-ni adita skulrang, Top 20-o biapko man•enba Garo Hills gimikna mikkim rasongko ra•baaha.
Pangna bilsi gitan ia changba Tura-ni Sherwood School, SSLC porikkao teng•sugipa ong•taiaha aro Top 20-ni skanggipa biapkoba ia skulni chatro Anuj Chetry man•enba Garo Hills gimiknan mikkim rasongko ra•baaha. Ia apsan skulnin Ayumi M Momin Top 20-ni dokgipa aro Arunav Kumar Paul 19-gipa biapko man•e chu•sokangskaaha.
Ia apsan salo parakatgipa Higher Secondary School Leaving Certificate (HSSLC) Arts porikkani result-o Top 10-ni gnigipa biapko man•e pass ka•gipa Don Bosco College-ni chatri Tanisha Das-ba Sherwood School-o napbagipa chatrian ong•achim aro ua 2022 bilsini SSLC porikkaoba Top 10-o pass ka•ahachim.
Ia chang SSLC porikkao Sherwood School-mangmangsan Garo Hills-na mikkim rasongko ra•bagipa skul ong•aigija indiba Tura-ni St Xavier’s Higher Secondary School, Mendipathar-ni St Thomas Higher Secondary School, Tura-ni Aeroville HS School, Tura Don Bosco HS School aro Christian Girls HS School-ba Top 20-o biaprangko man•e Garo Hills-na mikkim rasongko ra•baaha.
St Xavier’s HS School-ni Aime Azora G Momin, St Thomas HS School-ni Wanma Sangma baksa Top 20-ni brigipa biapko man•aha, Aeroville HS School-ni Obadiah Namaan B Sangma skugipa biapko man•aha, Don Bosco HS School-ni Dechro M Marak 11-gipa biapko man•aha, Aeroville HS School-ni Eva Amareen A Sangma 14-gipa biapko man•aha aro Christian Girls HS School-ni Lillian Christiano B Marak 20-gipa biapko man•e chu•sokgipa ong•skaaha.
Sherwood aro Aeroville skulrangde bilsiantian SSLC porikkao teng•sugipa ong•rongengoba ia changode Mendipathar-ni St Thomas aro Tura-ni Don Bosco HS School-rangba Top 20-o biming nakattokenba Garo Hills-na mikkim rasongko aro ka•dongataniko ra•baani gita ong•aha.
Na·simang ia video-koba nina man·gen:
Na·simang iakoba poraina man·gen: Assam-ni salgipeng Kamrup jolo buringni mongmarang a•bao gama ge•anirangko nosto ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
