Shillong, July 1: Skugipa changna ong•atanggipa Meghalaya State Shooting Championship, Robibar salo matchotangaha aro ia Shooting Championship-o East Khasi Hills, ge 33 medal-rangko chee, skanggipa biapko man•aha.
Ia Shooting Championship-o West Garo Hills-ba ge 8 medal-rangko chee, gnigipa biapko man•skaaha.
Ia salbongana ong•atanggipa State Shooting Championship-ko June 26 tarikoni Shillong songjinmani Shooting Range-o ong•atangaha aro ia susaaniko, 10M Air Rifle, 10M Air Pistol, 25M Sports Pistol, 50M Free Pistol, aro 50M Rifle Prone gadangrango ong•atangaha.
Ia shooting championship-o East Khasi Hills, gold medal ge 9, silver medal ge 9 aro bronze medal ge 15-ko chee gimik ge 33 medal-rangko man•aha aro West Garo Hills-ba, gold medal ge 2, silver medal ge 2, aro bronze medal ge 4-ko chee gimik ge 8 medal-rangko man•rikaha.
Ia shooting championship-o Ri Bhoi, gold medal ge 2 aro silver medal ge 1-ko man•e, West Jaintia Hills gold medal ge 1-ko man•skaaha.
Ia Meghalaya State Shooting Championship-o medal chegiparangoni mitamranga, me•chikrangni 10M Air Rifle Championship-o Gold medal-ko chegipa Veronica Buhroy, me•asarangni 10M Air Rifle Championship-o gold medal-ko chegipa Dennyson Kyrsian, dambe me•trarangni 10M Air Rifle-o gold-ko chegipa Kopal Dubey, dambe me•asarangni 10M Air Rifle-o gold-ko chegipa Shashank, Senior Men 25M Standard Pistol-o gold-ko chegipa Mawdaker Marwein, Senior Women Individual 25M Sports Pistol-o gold-ko chegipa Toiabha Mylliempdah, Master Men Individual 10M Air Pistol Championship aro Master Men Individual 25M Centre Fire Pistol-o gold medal-ko chegipa Davis NR Marak, Senior Men Individual 25m Centre Fire Pistol-o silver medal-ko chegipa Walsall Momin (DSP, Meghalaya Police), Mixed Team 10m Pistol-o brone medal-ko chegipa Walsall Momin aro Sumita, Prone Women Individual 50M Rifle aro Open Sight Women Individual Offline 50M Rifle-o gold medal chegipa Amalisha Sangma, Open Sight Women Individual Online 50M Rifle-o gold medal chegipa Tengsilchi Marak, Master Men Individual 10M Air Rifle Championship-o gold medal chegipa Rangku Oris N. Sangma, Junior Women Individual 10m air rifle Championship-Youth Women Individual 10m air rifle Championship aro Open Sight Women Individual Offline 50m rifle-o bronze medal chegipa Emarian Tenganchi M Marak (NCC) aro Open Sight Men Individual Online 50m Rifle-o silver medal-ko chegipa Bongacheng Marak ong•a.
Na·simang ia video-koba nina man·gen:
Na·simang iakoba poraina man·gen: A•ba o•e cha•ani palo gipin game ge•e cha•ani cholko jakkalskana nangenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
