Guwahati, Dec 19: Assam-ni Special Task Force (STF), Kerala aro West Bengal Police-ni dakchakanichi, Global Terrorist Organization chong•motan, a•gilsak gimikoni bobil dolrang baksa jak donggipa sak 8 manderangko rim•na man•aha.
Assam STF baksana Kerala aro West Bengal Police-ni bimung dongipa codename chong•motan ‘Operation Praghat’ ingipa operation-ni am•sandianiko dakanio Bangladesh-oni adita manderangko man•chape sak 8 manderangko rim•na man•aha aro ia manderangko chong•motan, Bangladesh-oni Md. Sad Radi-ko India a•songo lekka pancha gri napsruke dongenganina Kerala-o rim•aha, Minarul Sheikh aro Abbas Ali-ko West Bengal-ni Murshidabad-o rim•aha, Nur Islam Mandal, Abdul Karim Mandal, Mojibar Rahman aro Hamidul Islam-ko Assam-ni Kokrajhar-o rim•aha aro Enamul Hoque-ko Dhubri-o rim•aha.
Kobor ra•timgiparang baksa agangrikengon, AI-Qaeda in the Indian Subcontinent (AQIS)-ni bak, Ansarullah Bangla Team-ni skotong Jasimuddin Rahmani melibatgipa ripeng Md. Farhan Israk-ni ge•etaniko man•e, adita manderang a•songo kragija kamrangko ka•enga ine koborko man•soa bakan ia Operation Praghat-ko a•bachengataha ine Assam Police-ni Special DGP Harmeet Singh parakataha.
Na·simang ia video-koba nina man·gen:
Na·simang iakoba poraina man·gen: Krismasni somoio bijoli chu•onggijani dongjawa: Power Minister
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
