Shillong, May 14: Tura-ko Winter Capital songchina dabiani ja•man Jowai-ko Summer Capital songskachina Jaintia Students Union (JSU) dabiahani gimin Jowai-ni MLA aro National People’s Party (NPP)-ni dilgipa Wailadmiki Shylla, a•dok sorkari baksa agangrikna ku•rachakaniko on•angaha.
Da•o dipet Jowai-ko Summer Capital songchina gita mitam dolrangsan dabiengkua aro iani bidingo chanchirimna nangkuenga ine janapatengon, Jaintia Hills a•jao songdongenggipa pilak manderangan iako nangnika ong•ode aro ia dabianio chakpaaniko on•genchimode ua iani bidingo sorkari baksa agangrikgen ine Shylla aganaha.
Meghalaya a•doko songdongenggipa jatgittam, chong•motan Khasi, Jaintia aro Garo pilakan apsan ong•e namroro silroroaniko man•na nanga inenba Jowai-ko Summer Capital songskachina JSU dabiangani ja•man Jowai-ni MLA, iani bidingo sorkari baksa agangrikna ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: A·doko railway project-ni bidingo chanchirimaniko dakna political party-rangko all-party committe-o bakrimchina NPP didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
