Shillong, Jan 12: Swami Vivekananda-ni chang 163-gipa atchiani salko maniani bak gita Robibar salo, chang 41-gipa National Youth Day-ko, Shillong songjinmani Ramakrishna Mission Vivekananda Cultural Centre-o ong·atangaha.
Ia program-ko ong·atanio, Shillong Ramakrishna Mission-ni secretary Swami Hitakamanandaji Maharaj, mongsonggipa sokgipa ong·e bak ra·angaha aro unbaksana Nehru Yuva Kendra-ni official-rang aro gipinrangba dongpae bak ra·angtokaha.
Ia tom·anio, Vivekananda Cultural Centre-ni director Swami Vedeshananda, rimchaksoani kattarangko aganangengon, Swami Vivekananda-ni janggi tangani bidingo aro uni Shillong songjinmao donge ka·anggipa kamrangni gimin agan-talate on·angaha.
Ia tom·anio, Shillong Ramakrishna Mission-ni secretary Swami Hitakamanandaji Maharaj, jinmana aganprakangskaengon, Swami Vivekananda-ni janggi tangani gita kakketo, rongtalanio aro cha·chipilani gri ong·e janggi tangchina manderangko ku·pattiangaha.
Na·simang ia video-koba nina man·gen:
Na·simang iakoba poraina man·gen: Assam-ni Gibbon Wildlife Sanctuary-o a•ningni to aro gas-ni gimin talbate u•ina man•a gita a•kol puaniko dakanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
