Ampati, May 17: South West Garo Hills a•jani dingtang dingtang school aro college-rangoni chatro chatrirang, “My Meghalaya Tobacco-free Meghalaya” ine katta bichongko done anti-tobacco campaign-ko ong•atanio bak ra•angaha. Ia campaign-o, dingtang dingtang event-rang jekai, re•jomaani, katta sea aro noksa gnanggipa lekka paltakrangko ra•e re•jomaani aro re•baenggipa May 31 tariko ong•atnasienggipa World No Tobacco Day-na signature campaign-koba ong•atangaha.
Ia campaign-ko ong•atani miksonganiara, National Tobacco Control Program-ni Dept of Health aro Sambath Health Foundation-ni apsan nangrime, 2021 bilsini March jao a•bachengatgipa Tobacco-free Educational Institutions (ToFEI)-ni bak gita ong•atani ong•achim.
Ia bilsio, ta•makku jakkalanichi bi•sarangko nosto ka•aoniko chel•chaksona man•a gita songsalni pilakkon bakrime kimkro kam ka•rimanio bak man•atna miksonge ia campaign-ko ong•atenga.
South West Garo Hills a•jani Deputy Commissioner, Jema Nayak-ba, mikkangchi bi•sarangni janggi tanggnio nambatgipa aro an•seng baljokgipa janggi tanganiko on•a man•a gita, iandakgipa ja•kurangko de•enganina chakpaaniko parakataha.
Na·simang ia video-koba nina man·gen:
Na·simang iakoba poraina man·gen: Arunachal-o achakrangko skatang watbrangjachina mikrakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
