Ampati, Nov 28: South West Garo Hills a•jani Ampatio donggipa Superintendent of Fisheries-ni office-o 2-gipa changna ong•atgipa, District Aqua Fest 2024 name matchotaha.
Ia program-ko ong•atanichi a•jao dilgipa ong•ani aro an•seng baljokgipa na•tok jilanio chu•sokenganiko mesokani ong•enga.
Ia tom•anio fishery sector-na bang•a on•gilpaaniko on•gipa manderangna, chong•motan, Betasing C&RD Block-ni Nobin Arengh-na Best Progressive Farmer aro Betasing-oni Rupam Koch-na Best Value-Added Fishery Entrepreneur-ni bimungo award ba boksis-ko on•aha.
Ia award-rangko on•anichi, South West Garo Hills a•jao na•tok jile cha•ani a•bao tang•doaniko parakenganiba ong•a.
Ia program-ko ong•atanio, sak 50 mangni gita na•tok jile cha•giparang, official-rang, bank-ni dilgiparang aro mande ra•ako man•a kragipa manderang dongpae bak ra•angaha. Indake ia program-ko, tangka paisani gita neng•nikanirangko chanchirimna, an•tangtangni changa sapaniko saksa sakgipin baksa sualgrikani aro u•i ma•siarangchi na•tok jile cha•enggiparangko bil gnangataniko on•a miksonganio ong•atani ong•achim.
Indake, ia program-o mongsongbate Kisan Credit Card (KCC) scheme aro National Fisheries Development Portal (NFDP)-o bimungtangko segatani gimin u•iataniko on•angaha.
Additional Deputy Commissioner aro DRDA-ni Project Director ong•enggipa R Z D Shira, iandake bakrime kam ka•ani nangchongmotani gimin janapengon, ra•gimin loan-rangna gampilani somoio an•tangtangni daito ine chanchie gampilani gimin aro an•seng baljokgipa bewalrangko ja•rikna nanganirangkoba talate on•angaha.
Na·simang ia video-koba nina man·gen:
Na·simang iakoba poraina man·gen: Ukill ba LAC-rangna Mediation-ni training program-ko Tura-o ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
