Ampati, Apr 30: South West Garo Hills a•jani songadam nokadamrango sanna bananirangko nambate on•na man•na gita Mongolbar salo, Mahendraganj-ni MLA aro Meghalaya sorkarini Adviser Sanjay A Sangma, Special Rural Works Program (SRWP) scheme-ni ning•o ambulance bolsniko on•gilataha.
Ia ambulance-rangoni bolsako ua Mongolbar salo, Zikzak C&RD Block ning•o donggipa Garagre songni St Anne’s School-o program-ko ong•atanio pakwate on•angaha.
Ia program-ko ong•atanio, Mahendraganj MLA Sanjay A Sangma, tom•anio bak ra•giparangna aganprakangengon, ua an•tangba saksa Boldamgre songoni ong•e, uni chonmiting somoirango, ambulance-rang dongjani a•sel sagipa manderangko, mongsongbate an•o donggipa me•chikrangko hospital-rangona ra•anganio neng•nikanirangko chagrongna nangtokachim ine nikahani gimin da•alo ia songrango donggipa manderangni namgnina ua ambulance-rangko on•na nangnikaha ine parakangaha.
Ia jolrango sanna bananirangko namdapatna kamrangko ka•engan baksana ua, dingtang dingtang biaprango waiting shed-rangko aro manderang re•ruraanirango neng•nikanirangko man•jana gita rama jal•langrangkoba taridape on•enga.
Ia jolrango namdapatna nanganirang bang•en dongkuenga indiba ua manderangni neng•nikanirangko nikmanahani gimin ia neng•nikanirangko olgrokatna gita rake kamrangko ka•angkugen ineba Sangma ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Me•chikrangko chonnika ine matnangenba Assam-ni CM-ko kema bi•china Mahila Cong dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
