Ampati, Jan 28: Development of North Eastern Region (DoNER) Ministry-ni ge·etanio pangchake, ma·mong sorkarini scheme-rangko nipilna gita Sukrobar salo, Finance-ni Union Minister of State Dr Bhagwat Kishanrao Karad, South West Garo Hills a·jaona re·baaha.

South West Garo Hills a·jaona re·baanio Dr Karad, damgittam biaprango tom·anirangko ong·ate, songni nokni manderang baksa agangrikangaha aro ia tom·anirango unbaksa Tura-ni Lok Sabha MP Agatha K Sangma, Rangsakona MLA Subir M Marak, South West Garo Hills a·jani Deputy Commissioner RP Marak aro Superintendent of Police (SP) Vikash Kumar-ba dongpae bak ra·angtokaha.

Ma·mong sorkarini scheme-rangko nipilna gita dingtangmancha Ampati Circuit House-o tom·aniko ong·atengon, dingtang dingtang scheme-rangko chu·sokatani aro jako ra·e kamko ka·anio official-rangni chagrongna nangenggipa neng·nikanirangko South West Garo Hills a·jani ADC Dr Rezina Ch Marak, Union Minister of State-na talate on·angaha.

Ia tom·anio Dr Karad, sorkari scheme-rangko nambate chu·sokatna nangengani gimin janapangengon, dingtang dingtang bank-ni branch-rangko bariate, manderangna bank-ni kamrangko altubatatna nangenga ine aganangaha.

Sanna banani kamrangko namdapatani gimin janapangengon, hospital gita dakgipa sanchakram biaprango me·chikrangni an·pakaniko bariatchina aro an·o donggipa me·chikrangko Pradhan Mantri Matru Vandana Yojana (PMMVY)-na biming segatanichi, hospital-rango an·pakgipa me·chikrangna tangka paisarangko dakchake on·china Dr Karad ku·pattiangaha.

Pradhan Mantri Suraksha Bima Yojana (PMSBY) gita dakgipa scheme-rangni bidingo manderangna u·iatna nangengani gimin janapangskaengon, Jal Jeevan Mission (JJM), Pradhan Mantri Gramin Awas Yojana (PMGAY) aro uandakgipa scheme-rangko name chu·sokatengani gimin Union Minister, SWGH a·jani official-rangko mittelpilangaha.

Eklavya Model Residential School-rangko kulianichi South West Garo Hills a·jao lekka porani gadangko tang·doatna kamko ka·engani gimin mittelpilangengon, mikkangchiba songadam nokadamrango donggipa tribal chatro chatrirangna namgipa lekka porako on·na gita iandakgipa skulrangko kulidape on·na cholrangko niangkugen ine Dr Karad ku·rachakaniko on·angaha.

Uni South West Garo Hills a·jaona re·baanio Dr Karad, Viksit Bharat Sankalp Yatra (VBSY)-ni bak gita songni manderang baksaba agangrike, a·song gimikon sorkarini scheme-rangko chu·sokate on·china sorkari official-rangko didiangaha.

Ia tom·anio Tura-ni MP Agatha K Sangma aro Rangsakona-ni MLA Subir Marak-ba aganprakengon, ia jolona re·bae, manderangni neng·nikanirangko aro sorkari scheme-rangko chu·sokatanio official-rangni chagrongna nangenggipa neng·nikanirangko knatime ra·angahani gimin Dr Karad-ko mittelpilangskaaha.

Iakoba poraie nina man·gen: M’laya a·dokni namroro silroroaniko Republic Day-ni salo CM mesoke on·anga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub