Shillong, May 15: Shillong songjinmani Synod College-o salgnina ong•atenggipa National Seminar-ko Bristibar salo, Meghalaya a•dokni Chief Minister Conrad K Sangma a•bachengate on•angaha aro ia seminar-ko a•bachengatanio, a•dokni Rajya Sabha MP Dr WR Kharlukhi-ba dongpae bak ra•angaha.
Ia National Seminar-ko a•bachengatanio a•dokni Chief Minister, tom•anio dongpae bak ra•giparangna aganprakengon, seminar-rangko ong•atanio pangnan Synod College mikkango donge dakdilgipa gita ong•a ine aganenba, ia seminar-ko ong•atengani gimin Centre for Historical Research Synod College-ko mittelpilangaha.
Ia seminar-o uamangni ong•atgipa janggirangni giminsan ong•aigija uamangni dangtapgipa janggirang aro mongsongbate mikkangchi uamangni dangtapna sienggipa janggirangni giminba agananggen ine Sangma aganaha.
Am•sandie man•anirangko pangnan see rakkina nangani gimin janapangengon, iandakgipa seminar-rangni gimin ki•taprango aro songbadrango seaniara research dakanio dakchakanirangkosan on•aia ong•ja indiba ian u•i-ma•sianirangko sakgipinrangna sualanio mingsa kolrang gita ong•a ine Chief Minister aganaha.
Chief Minister’s Research Grant-ni bidingo janapatengon, ian research dakgiparangna dakchakanirangko on•gipa ong•a aro ia program-ko mikkangchi research dakgipa bang•bata manderangko dakchakna gita apalbatatkugen ine Sangma aganaha.
Na·simang ia video-koba nina man·gen:
Na·simang iakoba poraina man·gen: GST consultantko rimbaani bidingo GHADC talataniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
