Guwahati, Aug 22: Afghanistan a·songo Taliban bobil dolni ra·sekaniko social media-rango chakpae segipa sak 15 manderangko Assam a·dokni dam 11 a·jarangoniko police-rang rim·aha ine Police-ni Special Director General GP Singh parakataha.
“Sastirangko man·jana gita social media-rango skatang post ka·jachina mikrakataniko on·enga,” ine Singh parakataha.
Koborko on·ani gitade, ia sak 15 manderangko Sukrobar walo rim·e, Unlawful Activities (Prevention) Act, the Information Technology Act aro Code of Criminal Procedure-ni ning·o mokordomako ka·aha.
Rim·ako man·gipa manderangoni All India United Democratic Front (AIUDF)-ni dilgipa Md Fazlul Karim Qashimi aro police contstable saksaba ong·paachim. Rim·ako man·ani ja·man AIUDF-ni dilgipa Qashimi-ko kamoniko ra·galataha ineba kobor on·aha.
Rim·ako man·gipa mitam manderang Taliban-na chake seaha, mitamrang India a·songko matnangenba Taliban-na chakpaaniko on·jaengani gimin national media-koba matnangskaaha ine police official saksa aganaha.
Indake ong·engon, ia obostani bidingo kengija aro mikkang niteani gri kamko ka·china ua police-rangna ge·etaniko on·ataha ine Assam-ni Chief Minister Himanta Biswa Sarma-ba parakataha.
