Guwahati, Feb 27: Pakistani bobil doloni ine an•tangtangko janape four lane highway-ko tarienggipa Jhandu Infratech Ltd Company-oniko gong crore 10 tangkarangko on•china dabidraanio jak donggipa sakbri manderangko Cachar police rim•aha.
Cachar Superintendent of police, Numal Mahatta, kobor ra•timgiparang baksa agangrikengon, ia manderang an•tangko Lasker-e-Taiba (LeT) bobil doloni ine parakenba Jhandu Infratech Ltd Company-oniko gong crore 10 tangkarangko dabidraaha aro uamangni dabianiko somoi gita on•a man•jagenchimode dal•a a•selko chagrongna nanggen ine ka•mikkenataha, indake iani bidingo February 21 tarikon koborko man•soa bakan am•sandianiko police dol a•bachengataha aro uamang sakbrioni sakgni de Kachudaram-oni aro sakgnide Katigorah joloni ong•a ine u•ina man•aha ine aganaha.
Indake, rim•a man•gipa manderangara Boktar Hussain, Samsir Uddin Barbhuiya, Md Alekuddin aro Ajiruddin ba Amiruddin ong•achim aro uamangoni sakgniko Meghalaya Police-ni dakchakanichi Meghalaya a•dokni East Jaintia Hills a•jaoniko rim•aha aro sakgniko Cachar-oniko rim•aha ineba ua parakataha.
Ia manderangni kosako Bharatiya Nyaya Sanhita (BNS)-ni section 308(2) aro 351(3)-o pangchake Katigorah Police Station-o mokordomako segataha.
Indake uamangoni Boktar aro Samir-ko court-ona rimanga ja•man police custody-o donataha aro sakgniko Bristibar salo court-ona rimangskaaha.
Na·simang ia video-koba nina man·gen:
Na·simang iakoba poraina man·gen: KHADC aro JHADC-ni sak 58 gital MDC-rang ku•mikcheta
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
