Shillong, Feb 17: Tangka paisa jakkalsreta ine (NPP)-chi dilenggipa a•dok sorkarini kosako matnanganirangna maming sakkirangko on•skana man•jaengani gimin Voice of the People’s Party (VPP)-ko Mawphlang constituency-o NPP-ko dilenggipa Auspicious Lyngdoh Mawphlang, raken jegalataha.
A•dok sorkarini kosako matnanganirangna maming sakkiko on•na man•jaenganiara VPP-ni tol•e matnanganirangko mesokani ong•enga ineba ua aganaha.
Sombar salo, Nongshken constituency-ni NPP candidate Grace Mary Kharpuri aro Langkyrdem-Laitkroh constituency-ni NPP candidate Rahboklang Tynsong-na Pynursla bazar-o campaign ka•engmiting somoio Lyngdoh, ia kattarangko aganaha.
VPP-ni dilgiparang changni chang, MDA sorkarini kosako matnanganirangko dakengoba changsaba badiaba department ba minister saksani kosako FIR ka•anirangkode nikna man•kujaenga ineba ua aganaha.
NPP sorkarini kosako maming sakkirang dongjani a•selsa VPP-ni dilgiparang FIR-ko ka•jaenga aro ian uamangni tol•e matnanganiko mesokani ong•enga ineba NPP-ni dilgipa parakataha.
Ia sorkarini namgipa kamrangnasa People’s Democratic Front (PDF) dol, NPP baksa bakrimaha ine janapatengon, 2018 bilsio a•dok sorkariko jako ra•chenga intal ia sorkarini namgipa kamrangko am•sandie nichina gita PDF-ni gitcham dilgipa Lyngdoh, Khasi Hills-ni manderangko didiataha.
NPP-chi dilenggipa sorkarini a•selsa Assam aro Meghalaya a•dokni simarango meligrikna man•jaenggipa dam 12 biaprangoni damdok biaprangode meligrikaniko ra•bana man•aha ine janapatskaengon, bangki dongkuenggipa damdok biaprangoba bakan ia sorkari, tom•tomaniko aro nangrimgrikaniko ra•bana man•gnok ine Lyngdoh aganaha.
Citizenship Amendment Act (CAA)-ni bidingo janapatskaengon, ia niamoniko watna gita NPP-sa, dilgiparangko rimange, ma•mong sorkari baksa agangrikdileaha ine Lyngdoh parakataha.
Na·simang ia video-koba nina man·gen:
Na·simang iakoba poraina man·gen: ISI baksa jak dongpaa ine matnanganiko Gaurav Gogoi jegalata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
