Shillong, Feb 9: Meghalaya a•doko jillarangko namdapatna miksonge taridapenggipa Meghalaya Building Bye-Laws 2021-ko Sukrobar salo, a•dokni Cabinet ra•chakangaha.
Meghalaya a•dokni Chief Minister Conrad K Sangma-ni parakatani gitade, a•dokni jillarango donggipa building ba nokrangko naljokatna gita India sorkarini dongimin niamrango pangchake ia niamko a•dok sorkari taridapenga.
Bang•bata changon manderang, nokrangko rikanio nanga gita biapko dongija aro dongimin niamna bate nokrangko chue rikengani gimin a•dok sorkari, ia Building Bye-Laws-o mitam niamrangko taridapenga ineba Chief Minister talataniko on•angaha.
Apsan salon, Shillong Urban Mobility Policy 2024-koba Cabinet ra•chakangaha aro Shillong songjinmao maming neng•nikani gri biap damsaoni damgipinona apjitanio neng•nikanirang dongjana gita a•dok sorkari, ia niamko India sorkarini dongimin niamo pangchake tariaha ine Chief Minister parakataha.
Iana agreba Meghalaya Cabinet, ia 2024 bilsini Budget Session-ko a•bachengatanio a•dokni Governor-na aganprakna tarigimin draft-koba ra•chakangaha aro unbaksana Meghalaya Fiscal Responsibility & Budget Management Act 2006 aro Meghalaya Engineering Public Works Department Service Rules 1995-koba ra•chakangaha.
Iakoba poraie nina man·gen: Tura-ni District Auditorium-o Teacher Initiation Conclave-ko ong•atanio gital seoka man•gipa LP School Teacher-rangna appointment letter-ko Meghalaya Education Department on•anga
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
