Tura, June 8: West Garo Hillsni National Tuberculosis Elimination Programme, Turao tom·aniko ong·ate TB saa donggijagipa songrangna aro TB Mukht Panchayatni ning·o ong·gipa Health and Welfare Centre (HWC)rangni gisepo nambate dakgiparangko parakate boksisrangko on·aha.
Rongram aro Gambegre blockrangni ning·o donggipa dam 17 songrangni Nokmarangna certificate aro Mahatma Gandhini bimangko kasaniko tarigimin mangkromrangko on·aha. Uan uamangni songrangko TB saaoniko chel·ate dongna kam ka·aniko mesokna on·giminrang ong·aa. Health and Wellness Centrerangni gisepo Darenggre PHCni ning·o donggigipa Bolchugre HWC-ko nambatgipa ine seokaha.
Skanggipa bilsina TB saa grigipa songrangna pitol ba kasa rongniko tarigimin mangkromrangko, bilsigni joljol TB saa grigipa songrangna rupani rongchi tarigimin mangkromrangko, aro bilsi gittam joljol TB saa grigipa songrangna sonani rongchi tarigimin mangkromrangko on·aha. 2023 bilsio West Garo Hillso TB saa grigipa songrang ine dam 41 songrangko parakataha.
TB saaniko champenganio nambatgipa aro uan 75% ong·a ine West Garo Hillsko parakataha. Uan TB saaniko sananio chu·sokbatsranggipa district ong·ani boksiskoba man·aha. Sub National Certification-o bronze medalko, ia sabisiko 20%ni gita gimaatna man·aha ine on·aha. Ia apsan kamon gold medalko Sub National Certificationoniko man·na NTEP miksongkuenga.
Tom·bimonganiko ong·atanio TB saani bidingo u·i-ma·sie dongani bidingo Nokpante Productions-ni Bakrimna Hai ine tarigimin gitkoba oprakaha.
Ia programni mongsong miksongania TB saani bidingo ma·manti u·i-ma·siani aro uarangna mairangko dakna nanga Nokmarangna aro songrangna bilko on·anian ong·a. TB sagipa mandeni songsalo maming kratcha·na nangani aro gelako man·ani gri janggi tangpilna man·ani bidingoba NTEP kamrangko ka·angna miksongenga.
Tom·anio DRDA Turani Project Director Dolrich B. G. Momin, Tura Civil Hospitalni Jt. DHS aro Superintendent Dr. I.C. Marak, Asananggre PHCni Sr. M&HO Dr. I. Toksie R Marak aro Dr. Riksilchi M Sangma, i/c DTO, West Garo Hills baksana District TB Hospitalo kam ka·giparang dongpaaha.
Na·simang ia video-koba nina man·gen:
Na·simang iakoba poraina man·gen: Selsella SA, BOCA Juniors-ko 2-0-chi amatenba, Super Division finals-o Chipakkore FC baksa susaanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
