Shillong, Nov 7: North East TB Free Summit ba Tuberculosis (TB) sabisiko bon·atani bidingo salgro salaram a·dokrangni tom·e chanchirimaniko Mongolbar salo, Meghalaya a·dokni Chief Minister Conrad K Sangma, Shillong songjinmani Courtyard Marriot-o a·bachengate on·angaha aro ia tom·anio a·dokni Health Minister Ampareen Lyngdoh aro WHO India-ni WR Dr Roderico H Ofrin-ba dongpae bak ra·angaha.

Ia summit ba tom·bimonganiko do·ga oe on·angani somoio a·dokni Chief Minister, tom·anio bak ra·giparangna aganprakengon, an·seng baljokaniko on·aniba sorkarini mongsonggipa daitorangoni mingsa ong·a aro batanggimin bilsirango, Meghalaya a·doko nambata sanna bannani cholrangko on·na gita bang·en tangka paisarangkoba koros ka·aha ine parakataha.

Meghalaya a·doko sanna banani kamrangna tangka paisa chamaniko sorkari bariataha ine janapatengon, bariatgimin tangka paisarangoni bang·batakon dingtang dingtang health mission-rangna aro a·dokni dingtang dingtang biaprango health & wellness centre-rangko kulina koros ka·aha ine Chief Minister aganaha.

Dingtang dingtang self help group-rango bak ra·enggipa me·chikrang tangka paisani gita obostarang nambatahani gimin an·tangtangkoba an·seng baljoke rakkina gita man·tokengaha ine janapatengon, an·o donggipa me·chikrangni siani, bi·sa bakgitchakrangni siani aro ma·manti sabisi sakanchi man·anirangko tosusaon iani dingtanganiko nikna man·engaha ine Chief Minister aganaha.

TB man·gipa manderang, mongsongbate kangal cholgrirang, saa bilongahaosa doctor-rangona re·baengani a·sel sanna bananirangko on·anio ja·manchakronga ineba ua an·tangni suk ong·gijaniko parakataha.

2025 bilsini gisepo India a·songko TB sabisioniko jakgitel ong·atna miksonganiko chu·sokatna gitade, seng·gnang sanna bannanirangko ra·ani, rongtal an·talaniko rakkiani aro mongsongbate manderangni bakrimaniko nangchongmotenga ineba Chief Minister aganaha.

Ia miksonganiko chu·sokgipa ong·atna gita Health department-o kam ka·enggipa pilak manderangkon miksongani aro on·kangani gnang kam ka·angkuchina gitaba Chief Minister didiataha.

Ia tom·anio a·dokni Health Minister Ampareen Lyngdoh-ba jinmana aganprakangengon, TB sabisiko chu·gimik bon·atsrangna gitade bilakbatgipa champengani niamrangko ra·gatan baksana a·doko songdongenggipa manderangni bakrimanichi krenge kamko ka·angkuna nanggen ine didianiko on·angaha.

Ia tom·anio WHO India-ni WR Dr Roderico H Ofrin-ba jinmana aganprakengon, ia tom·aniara salgro salaram a·dokrango TB sabisiko bon·atna krenganiko mananisan ong·aigija ia namgipa bewalni gimin a·songni gipin bakrango songdongenggipa manderangna u·iatskaanian ong·enga ine aganangaha.

Ia tom·anio a·dokni Chief Minister, Meghalaya Mobile Portable AI-ni X-Ray kolkoba kulie on·angjolaha.

Iakoba poraie nina man·gen: Mizoram Assembly Election-na pu•onnani a•bachenga

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub