Shillong, Jan 24: East Khasi Hills a•jani District Tuberculosis (TB) Office, TB sabisini gimin, saani biatirangni gimin aro ia sabisiko man•a dipet sengnang sanna bannaniko on•a nangani gimin u•iataniko on•a miksonganio Bristibar salo TB Awareness Program-ko ong•atangaha. Ia program-ara, 100-Day Intensified TB Campaign-ko ong•atani bak ong•enga.
Indake, TB sabisiko chegipa Lower Lumparing-oni Andrew Marbaniang, jinmani mikkango chakate uni TB sabisiko mikkangchake dakgrike cheani gimin aro uni cha•tote nikanggiminrangko jinmana parakataha.
Andrew-ni TB sabisi baksa dakgrikengon altuade ong•jachim, ua be•en bimangni gita aro gisikni gita tang•onako man•aha, indake ong•genchimoba, sorkarini indin sanna bannaniko on•aniko somoi gita ra•anichi ua chu•gimikan nampilna man•aha. Da•o ua TB sabisioni chegipa ong•e, saani biatirang jekai, gusu soldi, fever ba be•enni jreanirang komiangenganiko man•ode sengnang porikka ka•e nienba , sorkarini indin on•enggipa samrangko somoi gita jakkalchina aro chu•gimik nampilaniko man•china didianiko on•skaenga.
Ia program-o, Lumparing Urban Primary Health Centre (UPHC)-ni Medical Officer, Dr. B. R Garod, TB sabisi chu•gimikan sanna amgipa aro chel•chaksona man•gipa ong•a ine aganan baksan, saani biati jekai, walo kramchiani, cheltong sa•dikani aro miksulanirang ong•genchimode maming kenani grian ta•rake sepangbatgipa health centre-ona re•ange porikka ra•e nipabo ine aganaha.
District TB Officer, Dr. Bayarillin Shanpru-ba, 2025 bilsini gisepo TB sabisiko India a•songo bon•atna miksonganio sorkarini bikotgipa scheme, Pradhan Mantri TB Mukt Bharat Abhiyaan(PMTBMBA) scheme-ni bidingo agantalate on•angan baksa, Nikshay Mitra Initiative, chong•motan TB sabisiko man•e hospitalo sanna bannaniko ra•enggipa manderangna cha•a ringaniko dakchakaniko on•ani mingsa kolni bidingoba talate on•angaha.
Na·simang ia video-koba nina man·gen:
Na·simang iakoba poraina man·gen: Tripura-o SHG-ni membor-rang me•chik saksako kragija dake sasti on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
