Williamnagar, Sept 27: September 27 tarik pringni 8 adha bajimang-o batanggipa antini mongolbar salo ong⋅na kragija a⋅sel-o janggi gale sianggipa Class IX ni chatro Cherian Bimik M. Sangma na kal⋅imaniko dakna gita tom⋅aniko Loyola Secondary School-o ong⋅ataha. Ia tom⋅aniko Loyola College ni Principal Father Sunny Augustine Isolo bichenge abachengaha. Loyola Secondary School ni Haedmistress Sister Preeti, tom⋅anio dongpagipa sakantikon tanggitik a⋅sel ong⋅e sianggipa aro uni nokdangni manderangna ka⋅dimeaniko on⋅china sakantikon Isol-o bi•chinagita molmolangaha.
Ia kal⋅imani tom⋅anio Class IX ni Class teacher Ma Archana D. Sangma Cherian Bimik ni kan⋅dikgipa janggi tangani gimin poraiangaha aro Class IX ni chatri saksa Ezibiana M.
Sangma aro skigiparangoni saksa Pa Amos Gonmei kal⋅imani kattarangko parakangtokaha.
Sokbagipa sakanti Cherian Bimik ko mandera⋅ani gita pul bibalrangko uni noksa mikkango done una bi•chakanirangko dakangtokaha.
Loyola Secondary School ni Principal gital, Father Hector D’Souza ia a⋅sel ong⋅anina duk ong⋅aniko parake social media-rango tol⋅e banaidapgipa kattarangna suk ong•gijaniko parake, kakket ko ma•sinade a⋅sel ong•gipa sepang-o donggipa bi•sarang aro un baksa bol chilgipa bi•sarangko sing⋅e niosa ma⋅sigen ine aganaha.
Tom⋅a matchotan jamano skul ni skigipa rangko, fathe rang aro sister-rangko class room-ona re⋅bana on•ggija Class IX ni bi⋅sarangko un salora manderangni social media rango gatata gitan Headmaster Father Melvyn na⋅simangko sasti on⋅ahama ine Hub News kobor ra•timgipa ni sing•on, uamang sastide on•jachim ine paraktokaha.
Ia a⋅sel ong•anina kakket bichalko man•jaskalde school-ko chipe donna nanga ine social medirang-o gatatani rangko adita salrangna skang nikangna gita man⋅ahani gimin Hub News East Garo Hills ni GSU ni Padot Te. Saljrang Tengrik R. Marak ko sing•on, indake school ko chipe dongenchimode bang⋅a chatro-chatrirangna gimaani ong•gen aro GSU de school ko chipna gitade agana dongja indiba sianggipana kakket bichalko man⋅na nanga ine parakataha.
