Nagarkurnool (Telengana), March 8: Telenganani irrigation minister N Uttam Reddy SLBC tunnel ni be·grope uni ning·ao kam ka·giparangni jachange dongenggiparangko naljokatna robotrangko watatchina sonibar salo aganaha. February jani 22 tarikonin ia kenbegnigipa a·sel ong·ao sak 8 kam ka·giparang jachange dongenga. Reddy an·tangan a·sel ong·gipa biapona re·ange nieani ja·mano dingtang dingtang Officer rangko gronge agan-golpogrikaha aro ia kamna sorkari tangka gong kror bri ko jakkale Hyderabadni private companyni robot expertrangko jakkalnaba janapjolaha.
Ia dal·begipa tunnelni be·gropani namen misilbegipa ong·a, tunnelni boring machinerang chiningo aro rong·grimrango napsrimtoke naljokatnagipa dolrangnaba namen man·dikani aro kenani ong·enga. Chief minister A Revanth Reddyba a·sel ong·gipa biapona March jani 2 tariko re·ange nieani ja·man robotrangko watate naljokani kamko ka·china didiaha.
Ia a·sel ong·gipana sorkari niroke kamrangko ka·anggen aro jachange dongenggiparangko naljokatna cholrangko dakgen ine irrigation minister agandapaha. Tunnel Boring Machinerangni chiningo be·gropani namen kenbegnigipa ong·enga aro iako kam ka·na aro naljokatanina nambatsranggipa technologyrangko jakkalgen ineba ua aganaha.
Disaster Managementni Special Chief Secretary Arvind Kumar jean ia a·sel ong·gipako nirokengachim, jachangenggipa manderangko naljokatna kam ka·anio chu·sokroroenganiko ministerna talate on·angaha. Naljokatgipa dolrangni neng·bee kam ka·ani aro neng·nikanirangko cheani aro gipin kamrangko chu·sokatani bidingo agan-golpogrikaha aro on·kange kam ka·giparangko minister mittel-mitchuaha.
Kam ka·gipa manderangni kolningo jachange dongenggiparangko sandina Cadever ingipa achakrangko sukrobar salo watate niahaon sakgni manderangni jachange dongenggipa biapko chanchichipe uina man·aha.Kerala policeni cadever achakrangkoba sukrobar salo watataha aro ia achakrang feet chi·bonga tu·aonikon mande dongako similgipe u·ina man·aia ine officialrang aganaha.
Srisailam Left Bank Canal (SLBC) tunnel ning·ao engineerang aro gipin kam ka·giparang gimik gimang sak chet manderang mija February 22 tarikoni jachange dongenga. Uamangko naljokatna NDFR ni jaksrapgiparang aro Indian army, navy aro gipinrang salang-walang neng·bee kamko ka·enga.
Na·simang ia video-koba nina man·gen:
Na·simang iakoba poraina man·gen: International Women’s Day ni salo Gambegreni MLA me·chikrangni bewal nikani bidingo skie on·aniko a·bachengata.
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
